Page 84 - MIN ECEM

Smartcard standard lo caduca na October

Wednesday, 19 July 2017 21:12
1

Comparti

Un cos tambe kier aclarea, ta cu e aña aki na October proximo, tur standard smartcard, esnan color
blauw, lo ta caducando. Tur lo caduca na October. Sa cu tin rond di un 10 mil usuario di bus cu ta
caducando, pero ya for di Juli caba a cuminsa renoba esaki.
Esaki tambe a mira cu ta bayendo hopi bon. Riba social media ta pushando esaki y e ta dunando
resultado. Tin hende ta biniendo caba. Corda cu tin Augustus, tin September na caminda y October, cu ta
3 luna, pero ta haciendo esaki caba. Ta echt pidi tur hende pa tene cuenta cu esaki tambe, pa no lag’e na
ultimo ora, pasobra esaki ta hopi mas cu e studiantenan di scol. Lo e trece rijnan bastante mas largo. Kier
bisa si cu manera Augustus habri cu e drukte di scol pasa, lo ta bayendo na diferente stacion, manera
esun di Oranjestad y esun di San Nicolas, caminda cu lo ta renobando esakinan riba e dianan cu lo
menciona, pa haci’e mas facil pa tur hende cambia nan carchi. Esaki lo tin un duracion di tres aña.
Cambio
Un cambio cu ta bin e aña aki cu Arubus no lo pone un fecha cu tur lo caduca. E biaha aki e ta bin cu
fecha variabel. Na momento cu bo renoba bo carchi, bo tres aña ta cuminsa core. Esaki ta pa evita atrobe
cu ta bay tin un fecha cu tur ta caduca, manera cu a haci dos biaha caba. E ora ey e biaha aki e ta bay bira
un fecha variabel cu ta haci hopi mas facil, na momento cu lo renoba esakinan. Pa esaki tambe ta djis bin
cu un Identificacion y cu bo carchi existente si bo tin, pa e balans por wordo pasa di biaha riba e nobo.
Esey, cu 15 florin manera semper, pa e wordo renoba.