Page 81 - MIN ECEM

No laga renobacion di smartcard di studiante pa ultimo

Wednesday, 19 July 2017 21:23
1

Comparti

Tin varios hoben a bin cu nan mayornan of riba nan mes pa registra, mirando cu nan ta haci uzo di
transporte publico pa yega scol cu Arubus. Segun Sanin Daou vocero di Arubus, manera tur aña
, awor aki ta renobando e smartcardnan di studiante, caminda cu a cuminsa for di dia 1 di Juli. Ta pidi
tur hende pa bin tempran pa bin renoba nan smartcard, mirando cu semper ta manera un custumber cu
ultimo ora e ultimo siman di vakantie, tur hende ta core bin pa saca nan carchi pa scol cuminsa. A
cuminsa for di dia 1 di Juli. Awor aki no tin rijnan largo ainda. Ta hopi contento e aña aki, door cu a mira
cu hopi mucha y mayornan a cuminsa trece nan yiunan a bin. E ta bayendo hopi bon e aña aki.
E ta hopi simpel pa por recapitula.
Ora di bin
Bin sea cu un rapport of un recibo cu schoolgeld a wordo paga, cu e mucha ta bayendo scol. Riba e
rapport, sea cu el a bay over of un recibo caminda cu ta mira cu schoolgeld a wordo paga. Den casonan cu
un mucha keda sinta tambe, por wak’e riba e rapport. E idea ta cu por wak cu e ta sigui scol, cu e ta un
studiante pa e por bin na remarca pa e tarifa special aki di 1,50 pa trip. Esey a bin cun’e, un prueba cu por
wak, 15 florin y un identificacion. Den caso si tin un carchi caba, pa bin cun’e. Esaki ta simplemente pa si
tin un balans actual existente pa por paga esaki riba e nobo y asina aki bo no ta perde nunca e placa cu bo
tin ainda riba e carchi. Esey ta e proceso pa bo por bin y mesora ta traha e carchi y bo ta hay’e bek. Of bo
ta haya e carchi nobo cu por bay cun’e mesora. E ta un proceso cu awor aki ainda cu no ta druk ta tuma
por ta 10 pa 15 minuut bo ta cla. Logicamente ora ta mas druk, e ta tuma un tiki mas. Mester tin un tiki
pasenshi. Pero ta echt encurasha tur hende pa bin awor pa asina evita cu ora cu ta mas cerca di apertura
di scol, cu rijnan ta largo y cu por trece disgusto, rabiamento, manera cu ta custumbra cun’e.