Page 76 - MIN ECEM

Fraccion di MEP ta insisti pa haci weganan politico peligroso cu e fondonan di pensioen cu tur
consecuencianan serio cu esaki por tin pa nos pensionadonan, ya cu interes politico di Evelyne
y su partido, manera semper, mester bin na prome luga y no esun di pueblo.

E mensahe cu e lider di MEP ta hibando pa pueblo, papiando disparate cu e mes no
ta compronde cu lo baha e edad di pensioen bek na 60 aña, ta un invitacion pa desaster pa e
fondo aki pero aki atrobe pueblo tin cu compronde cu na momento cu director di SVB tabata
den Parlamento pa duna splicacion y aclaracion riba e proceso aki, fraccion di MEP no a duna
seriedad na e reunion aki y manera semper practicamente tabata totalmente ausente.

Loke ta bon pa e lider di MEP aclaria ta con el a trata di lanta su hendenan pa destrui edificio di
Parlamento, ya cu realmente nan no tabata kier a cumpli cu nan obligacion como
representantenan di pueblo den Parlamento pero si ta bay den prensa y bisa disparatenan sin pia
ni cabes.

Un ehempel di esaki ta ora cu Dangui Oduber papia cu Parlamento no a trata e proceso pa basha
e edificio di Bushiri Hotel abou, mientras cu esaki a tuma luga sin cu Evelyne ni Dangui ni e
otronan a duna acto di presencia, pero si cobrando tur fin di luna e salario cu pueblo ta paga nan
pa traha.

E falta di seriedad aki, e falta di responsabilidad aki ta otro muestra cu Evelyne no tin nocion
mes di kico gobernacion di nos pais ta nifica, ya cu un hende cu ta pretende di bira lider di e
pais, practicamente tin cu traha tur dia y shete dia pa siman.

Loke pueblo por saca for di esaki ta cu e mentalidad di Sali na interes di pueblo, atrobe no ta
algo primordial pa Evelyne y su partido pero si yega na poder pa sirbi amigo y famianan y
destrui un pais cu ta pasando den un desaroyo increibel e ultimo ocho añanan di gobernacion di
partido AVP,” Parlamentario Melvin Tromp ta splica.