Page 73 - MIN ECEM
P. 73
Mas di 100 pareha turista lo renoba nan
amor na otro na Aruba
Posted on 07/19/2017 3:32 pm AST | Updated on 07/19/2017 3:40 pm AST
ORANJESTAD – Aruba (ATA) a invita 100 pareha (turista) di rond mundo pa
renoba nan palabra di amor na otro riba e beach number tres di mundo otro luna.
E intencion ta pa e bira e ‘ceremonia mas grandi di renoba nan palabra’ di Caribe.
Mas di 100 pareha ta wordo spera pa bisa ‘I do’ atrobe na otro ora cu solo baha dia
8 di augustus proximo riba Eagle Beach. A pidi nan tur pa bin bisti na blanco, cu
gota di colornan caribeño. Segun CEO di ATA Ronella Tjin-Asjoe su comentario pa
NoticiaCla, ta trata di parehanan cu ta na Aruba caba cu vacation, pues no ta asina
cu ta paga pa nan bin Aruba pa renoba nan amor na otro. Nan ta wordo invita, si
nan ta na Aruba, pa participa na e evento.
EVENTO SIMILAR
Tabata na februari 2013 caba cu Aruba a participa den un evento similar ora cu 100
pareha a renoba nan amor na otro den un evento patrocina pa Aruba riba Times Square na
New York. Aña pasa ATA tabata socio cu Empire State Building pa duna un pareha un
luna de miel riba nos isla, despues cu nan a ‘renoba’ nan amor na otro. Mas di 10 hotel ta
ofreciendo paketenan special pa esnan cu scohe pa renoba na amor na otro na augustus.
.
