Page 75 - MIN ECEM

Melvin Tromp: Lider di MEP ta confirma cu e no ta haci su
trabou como miembro di Parlamento

Wednesday, 19 July 2017 21:16
1

Comparti

For di momento cu partido MEP a cambia di liderazgo, tur hende a spera cu e partido lo cambia
su mentalidad destructivo y negativo pa cu asuntonan general di nos pais pero dianan tras di otro

, tanto e lider Evelyne Wever Croes como su coleganan di fraccion den Parlamento, ta sigui
insisti pa no mira e gran diferencia cu tin entre gobernacion geel y gobernacion berde di AVP.

Parlamentario Melvin Tromp ta mustra cu e solo hecho cu e lider di MEP tin cu bin dilanti pa
mustra cu e no a gaña riba placa di SvB cu e ta bisa gobierno di AVP a ranca for di e fondo aki,
pero ta sigui haci su mes ridiculo c’un splicacion cu ta papia e berdad tristo di su funcionamento
como miembro di Parlamento.

“Durante di reunion publico den Parlamento, tur asundo di e fondo di SvB a ser trata, discuti y
atendi den e forma corecto caminda director di SvB, sr Edwin Jacobs, den un forma bon cla a
duna miembronan di Parlamento cu si ta cumpli cu nan deber como representante di pueblo, tur
loke a y ta pasando cu e maneho di e fondo aki.

Sinembargo ora cu e lider di partido MEP, guia pa frustracion y incapacidad politico, pueblo no
por spera otro cos cu solamente negativismo y expresionnan populista cu no ta sirbi interes
general di nos pueblo.

Berguensa Evelyne mester tin ora cu despues cu Gobierno di AVP na 2014 a hinca e suma di
180 miyon florin den fondo di pensioen di APFA pa sigura su futuro existencia, y cu a tuma e
decision di haci cambionan den e sistema di AOV cu por cierto ta a base di e conseho cu e
propio Evelyne a conseha pa haci pa aumenta edad di pensioen durante gobierno di MEP, pero
cu no wordo ehecuta pa su partido.

Esaki a pone a presenta un situacion sumamente delicado cual situacion a wordo presenta y
discuti durante reunion publico den Parlamento pero caminda fraccion di MEP simplemente no
tabata interesa pa haci cambionan cu lo sigura futuro existencia di e fondonan aki.