Page 31 - BNDIA ARUBA

A31
LOCAL Dialuna 30 OctOber 2017
Cuminda crioyo tabata rey den mercado popular di Santa Rosa

ORANJESTAD – Jennifer Gamez kende ta lider di e
proyecto di mercado popular a expresa su satisfaccion
den nomber di departamento di Santa Rosa pa e asis-
tencia di publico ayera. A pesar di menasa di yobida e
fluho di hendenan tabata constante, y e por bisa cu e
mercado aki a bira un exito.
For di ora di mainta tempran ya caba e hendenan a cuminsa
yega na Santa Rosa pa disfruta di tur actividad cu nan a or-
ganisa den un ambiente familiar. Tambe el a laga sa cu e com-
petencia di cuminda crioyo a start na tempo cu e participacion
di dos team di studiantenan di EPI sector Hospitalidad y Tur-
ismo bou e guia di chef Leest y chef Jeffrey de la Rosa.
Banda di 11or cada team a ricibi nan macutu cu e ingredien-
tenan sorpresa pa prepara un cuminda crioyo. Nan mester a
traha un concomber stoba. E tabata un tremendo show di por
mira con cada team tabata traha nan propio receta pa stoba e
concomber. Ademas tabatin alrededor di 6 tent di cuminda
crioyo a participa den e mercado aki.
No tabatin mucho tent di berdura cosecha pa nos cunukero-
nan. Nan a haya un tent cu berdura di James Ocalia y tambe a
bin un tent di micro green produci via sistema hidrotecnico.
Pero si tabatin un variedad di producto elabora cu materia pri-
ma local di nos propio naturalesa. Tabatin producto di aloe,
un variedad di producto a base di yerba medicinal of torongil.
Igualmente diferente cos dushi, stropi nan pa combati griep,
habon y lotion traha na Aruba mes. Te hasta likeur cu tabata
na agrado di e publico.
E proximo mercado di Santa Rosa lo wordo organisa con-
huntamente cu Stichting Monumenten Fonds Aruba pa dia
26 di november proximo y e ta pafo di Santa Rosa. Pa cuater
aña caba nan ta participa conhuntamente den nan actividad
di Fiesta di Cunucu, y e biaha aki no lo ta un excepcion tam-
poco.