Page 11 - AWEMAINTA

AWEMainta Diaranson, 12 Juli 2017 11

Parlamentario mr. Xiomara Maduro:

Aruba mester ta liber

di tanto manipulacion,

persecusion y opresion

GABINETE Eman mester ta bou di hopi presion. Esaki
nos ta conclui despues di mira un circulario di e directora
di IBISA den cual e ta recorda e ambtenaarnan cu nan
ta prohibi di expresa nan mes durante y despues di ora
di trabou sea verbal of via otro medio di comunicacion,
inclusivo social media, tambe Facebook y WhatsApp
contra e maneho di su departamento, Minister y Go-
bierno.
Esaki ta locual nos ta yama un ehempel bibo di e dicta-
dura cu Gabinete Eman ta sembrando na nos pais. Aruba
mester ta liber di tanto manipulacion, persecusion y
oppression, segun Parlamentario Xiomara Maduro.

Manipulacion, persecusion y opresion na ordo di dia
Gabinete Eman bou liderasgo di Eman a percura pa
manipulacion na grandi di e cifranan di nos Pais. Cifra
di finanza publico, cifra di turismo y cifra di desempleo,
tur a wordo manipula of scondi p’asina pueblo no haya
constancia di e mal maneho cu Mike ta hiba na nos pais.

Banda di esaki, Eman y su bende a percura pa persigui
tur hende cu ta pensa otro.
No lubida con Baba cu ta buikspreker di Mike tabata
grita den Parlamento cu mester haci Gobierno MEP
Proof. Awor a bay mas leu dor di prohibi tur ambtenaar
pa expresa nan mes contra e mal maneho di e Gobierno
di AVP durante y despues di ora di trabou.

Di e manera aki Mike via e directornan di departameto
di Gobierno kier oprimi e ambtenaarnan pa nan no
reclama of cuestiona e mal gobernacion y prostitucion
di nos pais dor di Mike y su bende. Esaki ta dimas. E
wega aki di silencia hende di e forma aki no ta cuadra
den un pais na unda democracia mester reina, e Parla-
mentario ta splica.

Libertad di exprecion mester wordo respeta
E circulairo aki ta muestra cu Mike y su bende ta bou di
hopi presion. Nan ta perdi y p’esey ta recuri na menasa
e cuerpo di empleado publico p’asina via nan e pueblo
en general no haya sa di e abusonan cu su Gobierno a
y ta haci cada dia cu pasa.

Pero pueblo di Aruba no mester sigi permiti e locura
peligroso aki. Nos no por sigi permiti pa Mike oprimi
y dividi nos pueblo asina. Libertad di exprecion ta un
derecho fundamental y no por wordo limita djis, pasobra
cu Mike a faya den goberna drechi.

Libertad di expresion na nos pais mester wordo respeta.
P’esey dia 22 di september 2017 nos ta urgi e empleado
publico pa manda Mike y su bende cas cu nan voto
contra AVP, Parlamentario Xiomara Maduro ta conclui.