Page 42 - AHATA

Crucero Zuiderdam A Bolbe Aruba Pa Trece Un

Pasahero Cu A Bira Malo

 Local
- 04/11/2019

Zuiderdam, crucero di e compania Holland American Line, despues di a bandona Aruba
diasabra casi mey anochi a haye ta bolbe Aruba dialuna mainta tempran debi na un
emergencia. Zuiderdam ta bishita Aruba regularmente. El a yega merdia y e pasaheronan
tabatin chens di disfruta di Aruba pa dies (10) ora largo ya cu un poco despues di 11’or di
anochi el a bandona Aruba.

Tabata diadomingo e dia liber riba lama, a haya nan mes cu un emergencia medico. Un di
e pasaheronan abordo a bira basta malo.

Mirando e situacion, e capitan a dicidi pa bolbe Aruba, cu tabata e waf mas cerca y cu
mihor conexion si mester traslada e pashent.

Zuiderdam a yega Aruba bek dialuna mainta y despues cu a baha e pashent, a bandona
nos isla y a sigui pa su siguiente waf cu ta Cartagena, Colombia, despues lo sigui pa
Puerto Limon (Costa Rica) y finalisa na Fort Lauderdale (Florida). E crucero ta riba un
biahe cu a pasa Canal di Panama y cu ta finalisa dia 10 di november.