Page 47 - AHATA
P. 47
Sra. Evelyn Wever-Croes sinembargo na 2018 a gasta n’e bureaunan di Minister 30.6
miyon florin. Kiermen el a reduci esaki cu 20.1 miyon florin. Esaki t’e motibo dicon nos
ta tuma un postura fuerte contra Hulanda y e Colegio di supervision financiero.
TRANSPARENCIA DI MANEHO DEN COMPANIANAN ESTATAL
Durante diferente reunion publico manera ora a trata RDA, Prome Minister Evelyn
Wever-Croes, a pone tur documento y contractnan na disponibilidad di Parlamento.
Tambe a contesta tur pregunta cu a wordo haci riba e topico aki.
Adicional aworaki a manda un carta (MAZ/5550) pa tur compania estatal pa wak con nan
ta otorga contract y na mes momento recorda nan di e principionan di “good governance”
cu e Gabinete aki ta para pe, Rocco Tjon a duna di conoce.
PA CONCLUI
Deficitnan bou Gabinete Mike Eman durante 2010 pa 2017 tabata varia entre 132.4
miyon florin cu un maximo di 443.3 miyon florin na 2012.
Gabinete Wever-Croes, manera CAFT mes a bisa den nan carta lo cumpli cu e norma
financiero di 2019, cual ta un deficit di 25 miyon florin so.
Y na 2020 Aruba lo conoce un presupuesto cu un surplus di 25 miyon florin. Esaki t’e
realidad di e diferencia di maneho entre Mike Eman y sra. Evelyn Wever-Croes, di
acuerdo cu Rocco Tjon.
