Page 15 - MIN ON 14 OCT 2015
P. 15
AWEMainta Diaranson, 14 Oktober 2015 25
un aparencia nobo y SUMAMENTE grato tabata e sorpresa cu alumnonan y
Servicio Comunitario
maestronan di Colegio Ora Ubao a ricibi dialuna mainta ora
cu nan a yega nan scol bek despues di vakantie.
E alegria riba nan cara tabata bisto na momento cu nan a tuma
nota cu nan scol a haya un aparencia completamente diferente,
alegre y vibrante durante e ultimo siman danki na un grupo di
boluntario di Hilton Aruba Caribbean Resort & Casino.
Pa Hilton Worldwide luna di october ta marca Luna Interna-
cional di Servicio Comunitario y tur aña e compania ta percura
pa mobilisa miembronan di nan ekipo tur rond di mundo pa
participa den proyectonan comunitario pa haci di nan comuni-
dad un miho luga. Bou di tremendo liderasgo y entusiasmo di
Sheila Stamper, e comision di Hilton Aruba Caribbean Resort
& Casino cu ta traha na bienestar di comunidad a sa di organisa
y realisa e proyecto pa verf Colegio Ora Ubao den apenas un
siman di tempo, asina cumpliendo cu nan meta pa brinda tur
e alumnonan un scol cu ta dushi pa bishita, hunga y siña.
Aparte di un grupo grandi di boluntario di e resort cu a uni pa
embeyece e scol, tambe a conta cu presencia di ehecutivonan
halto di Hilton Worldwide cu a dedica algun ora di nan tempo
n’e bunita proyecto aki. Adhunto por aprecia algun imagen di e
ekipo incansabel, compaña pa Glenn Farro, Director di Recurso
Humano y Gerente General di Hilton Aruba Olivier Maumaire
hunto cu Tom Potter, Senior Vice Presidente pa Hilton den e
area di Caribe y Latino America, Orr Rivero Vice Presidente di
Recurso Humano y Sheila German Vice Presidente di Finanza
p’e area. Tambe por mira algun di e caranan contento dialuna
mainta trempan hunto cu cabesante di e scol, meneer Ivan
Croes.
