Page 27 - MIN ON 14 OCT 2015

DIARANZON 14 OCTOBER 2015 DIARIO PAGINA 33

Appel di Oro cu un

acogida tremendo

Educacion no ta
un preparacion

pa bida;
educacion ta

bida mes

ORANJETSAD (AAN): Den
e cuadro di celebracion di
luna di October como Luna
di Enseñansa, Ministerio
di Enseñansa hunto cu
Departamento di Enseñansa
Aruba a organiza un
reconocemento mas amplio
pa personanan cu ta destaca
den e area di Enseñansa y
ta reconoce excelencia den
Enseñansa den su totalidad.

Appel di Oro tabata habri
pa participacion di tur school
di enseñansa primario,
secundario, special y superior
reglamenta na Aruba.
Cu e Premio Nacional di
Excelencia den Enseñansa lo
duna reconocemento den e
categorianan di: (*) Maestro,
(*) Cabesante/Director/
Rector, (*) Actor di sosten
(mentor, Intern Begeleider
(IB), Remedial Teacher
(RT), Prisma leerkracht,
(*) Begeleidingsleerkracht
of Klassenassistent), (*)
Proyecto den school, (*)
Lifetime Achievement Award,
y (*) Newcomer Award.

Henter comunidad: alumno,
studiante, mayor, coleganan
maestro y/of cabesante
di school, tabata tin e
oportunidad pa nomina un
Maestro, Cabesante/Director/
Rector, Actor di Sosten y
school. Mester menciona cu
un cantidad grandi di hende a
tuma e oportunidad aki tur cu
tin! E acogida pa cu e premio
aki ta tremendo. No menos cu
135 formulario di nominacion
a worde yena y entrega.

Dia 30 di October lo
clausura Luna di Enseñansa
cu un evento special unda lo
anuncia e ganadornan di e
premio Appel di Oro.

Ministerio di Enseñansa y
Departamento di Enseñansa
Aruba ta super contento cu e
cantidad di nominacionnan
y kier a yama comunidadad
danki pa e acogida positivo pa
cu un premio asina bunita.