Page 32 - MIN ON 14 OCT 2015

Educacion no ta un preparacion pa bida; educacion ta bida mes”

Tuesday, 13 October 2015 22:03
Comparti

Den e cuadro di celebracion di luna di October como Luna di Enseñansa, Ministerio di Enseñansa hunto
cu Departamento di Enseñansa Aruba a organisa un reconocemento mas amplio pa personanan cu ta
destaca den e area di Enseñansa y ta reconoce excelencia den Enseñansa den su totalidad.

Appel di Oro tawata habri pa participacion di tur scol di enseñansa primario, secundario, special y
superior reglamenta na Aruba. Cu e Premio Nacional di Excelencia den Enseñansa lo duna
reconocemento den e categorianan di:

• Maestro
• Cabesante/Director/Rector
• Actor di sosten (mentor, Intern Begeleider (IB), Remedial Teacher (RT), Prisma leerkracht,
Begeleidingsleerkracht of Klassenassistent)
• Proyecto den scol
• Lifetime Achievement Award
• Newcomer Award

Henter comunidad: alumno, studiante, mayor, coleganan maestro y/of cabesante di scol, tawata tin e
oportunidad pa nomina un Maestro, Cabesante/Director/Rector, Actor di Sosten y Scol. Mester menciona
cu un cantidad grandi di hende a tuma e oportunidad aki tur cu tin! E acogida pa cu e premio aki ta
tremendo. No menos cu 135 formulario di nominacion a wordo yena y entrega.

Dia 30 di October lo clausura Luna di Enseñansa cu un evento special unda lo anuncia e ganadornan di e
premio Appel di Oro.

Ministerio di Enseñansa y Departamento di Enseñansa Aruba ta super contento cu e cantidad di
nominacionnan y kier a yama comunidadad danki pa e acogida positivo pa cu un premio asina bunita.

Registra pa Noticiero EA na www.ea.aw y sigui "Enseñansa Aruba | Education Aruba" riba Facebook of
Twitter pa keda na altura di e proyecto aki y otro informacion relaciona cu Enseñansa na Aruba.

http://www.24ora.com/politica-mainmenu-18/100702-educacion-no-ta-un-preparacion-pa-bida-
educacion-ta-bida-mes