Page 35 - MIN ON 14 OCT 2015
P. 35
Como 300 pasahero di crusero ta yega Aruba pa bay verf dos scol awe
Publication: Wednesday, 14 October 2015. Categoria: General
Bunita gesto di Usana Health Sciences
ORANJESTAD (AAN): Normalmente ora cu un barco crusero yega Aruba, mesora Waf ta druk
cu Taxi, Bus, y pasahero na pia buscando forma pa haya island tour, pa bay beach, of djis subi
Tram pa dal un paseo den caya.
Pero Diaranzon mainta 7:00 am, ora cu Adventure of the Seas yega na Aruba, abordo lo tin como
300 persona cu ta participando den un viahe organiza pa Usana Health Sciences.
E compania di MLM (Multi-level Marketing) aki ta produci productonan nutricional y tin su
sede na Utah.
E team aki a escoge Aruba como e destinacion pa haci algun servicio na comunidad, y di esey
nan a escoge dos scol local cu lo bay ricibi un capa nobo di verf.
Pues despues di come desayuno riba e barco, nan lo baha y subi bus pa asina hiba nan pa dos
diferente bus.
(*) Maria Goretti College na Paradera lo bay ricibi un capa nobo di verf pa henter e school.
(*) Colegio Ora Ubao na Tanki Leendert lo ricibi capa nobo di verf pa henter e gymnastiek
lokaal.
Nan lo haci esaki for di 8:30 am te cu 12:30 pm. Un bunita gesto cu e team di Usana lo ta
haciendo na Aruba, y demostrando interes den e futuro generacion di e isla.
Na Aruba mes, e compania Eco Destination Management Services a duna un man pa coopera y
yuda pa asina e logistica di e mainta di verf aki bay den bon coordinacion.
http://www.diario.aw/2015/10/como-300-pasahero-di-crusero-ta-yega-aruba-pa-bay-verf-dos-
scol-awe/
