Page 5 - AM211022

Diabierna, 22 October 2021 AWEMainta.com 5

Entrena y educa na Aruba mes

Aruba ta conta cu dos K-9 Polis profesional

Tabata e aña aki cu Mando Policial a mira e
importancia cu mester bin cu estudio policial pa
K-9 Polis. Conhuntamente cu docentenan di Scol
di Polis E.J. Watty Vos, instructor di K-9, sr. Vianney
Coffie a prepara un estudio profesional riba nivel
internacional di K-9. Cu estudio aki ta habri porta
cu Aruba tin su mesun instructor y keurmeester
pa por entrena y prepara cualkier Polis cu su K-9
local, den region of internacionalmente.

Despues di seis luna di trabou duro, planifiacion,
entrenamento y estudio intensivo di K-9, Cuerpo
Policial Aruba ta orguyoso di anuncia cu nos tin
dos agente policial cu nan K-9 Notorius y Dax cu
a pasa e examen exitosamente y cu ta cla pa subi
caya.

Ta trata aki di agente policial A. Leonard y D. de
Castro cu canino Notorius y Dax cu ta di e rasa
di Mechelse Herder. Pa prome biaha Polis tin dos
canino “dual purpose” cu tin e tarea pa busca
obheto y arma di candela. Cu e dos agentenan y
canino nobo nan aki, e unidad di K-9 Polis ta sigui
crece.

Na Field di Cobra na Savaneta a haci entregamento
di certificado den presencia di Ministro di Husticia
sr. Rocco Tjon, Comisario sra. Trudy Hassell y
Hefe di Scol di Polis E.J. Watty Vos sra. Jeanette
Richardson-Baars n’e keurmeesters, e dos agente
policial A. Leonard y D. de Castro cu nan canino
Notorius y Dax y tambe a huramenta un colega
nobo cu ta J. Lopez Atari.

“Nos t’asina orguyoso di e unidad di K-9 Polis,
mirando e dedicacion, amor profesionalismo y
mas aun nan a demostra cu nan ta domino e tereno
aki hopi bon y alabez nan a bin pa keda” Tabata
palabranan di sra. Trudy Hassel – Comisario di
Cuerpo Policial Aruba.

Coleganan, amigonan
y famia por a presencia
e demostracion di e
unidad nobo di K-9
Polis. Aruba por ta
orguyoso di tin un
team dedica y ta
profesionalmente
cla pa cualkier
eventualidad. Pabien
na sr. Coffie pa su
esfuerzo y dedicacion,
docentenan di Scol di
Polis y e unidad di K-9
Polis.