Page 12 - WEB
P. 12
Cobranza di coriente pa paga na Mei ta bin
haltisimo
April 21, 2018
- Advertisement -
Tin reclamo cu ta mustra cu
ORANJESTAD (AAN) – Cobranzanan di coriente pa di luna pasa cu mester paga na Mei
proximo, ta yegando na mail-box di e consumidornan y esakinan a mira cu asombro cu
compara cu loke nan a paga e luna aki, e diferencia den e suma grandi.
Matutino DIARIO a ricibi varios yamada di consumidornan cu ta bisa nos cu nan no sa
mas con pa maneha e uso di coriente. Nada a aumenta den nan cas: mesun airco,
mesun frishider, mesun TV, mesun ora di sali y yega cas unda frishider so ta keda
traha, y ora nan yega cas atardi laat ta e luznan necesario nan ta cende prome cu bay
drumi y despues nan ta apaga nan, y ta airco so ta traha.
Sinembargo, e cobranza a bin pa entre 80 pa 150 florin mas halto cu e suma cu nan a
caba di paga di e consumo anterior.
