Page 17 - min.jus sept 1,2015

24 AWEMainta Diamars, 1 September 2015

Mirando cu Dangui Oduber
a scoge pa pone e bida di
su coleganan na peliger,
e ta wordo califica peor cu
Judas

Pa simannan largo miembronan di fraccion di MEP tabata
instiga pueblo pa lanta contra di Gobierno y pa stroba
e aprobacion di e Ley di CAFT. Den e pensamentonan

maligno aki nunca nos por a biba pensa cu un di nos
propio colega den Parlamento lo por a pensa pa bay
habri e porta patras pa laga su hendenan drenta
Parlamento di Aruba y haci destruccion. No esey
so, pero tambe pa haci daño na su coleganan di
fraccion di AVP y PDR cu tabata presente e momento

ey den sala di reunion, segun Lorna C. Jansen-Varlack.
“E mainta di dia 27 di augustus 2015, Dangui Oduber
a dunami persona un man y nos a intercambia algun
palabra. Banda di esey tur e miembronan di fraccion
di MEP a duna e Presidente di Parlamento, sra.
Marisol Lopez-Tromp un man y un sunchi y algun ora
despues e mesun Parlamentario aki Dangui Oduber
kier a habri e porta patras pa malhechornan di su
partido drenta pa haci su coleganan daño. Dangui
Oduber ta lagami corda con Judas a traiciona Hesus e
tempo ey, e diferencia ta cu Hesus tabata sa cu Judas
lo a traicione, pero den e caso di Dangui Oduber su
coleganan no a spera cu el lo a yega n’e nivel ey. Hasta
e kier gaña awor y bisa cu e no ta berdad, mientras cu
potretnan ta mustra claramente kico el a haci y cu cua
intencion el a haci’e”, segun Lorna C. Jansen-Varla
ck.
E invasion den Parlamento tabata plania pa 3’or di
atardi y algun minuut prome por a tuma nota cu
fraccion di MEP a cuminsa ruim op nan pertinencianan
y cu e ambiente a cambia pa uno nervioso y en
espera. E atencion p’e reunion no tabatey mas.

Pueblo henter a condena e comportacion traicionero
di e persona aki den Parlamento di Aruba y ta puntra si
ta personanan cu un mente asina maligno ta aspira pa
dirigi nos pais mayan. “Dangui Oduber, kico abo y bo
coleganan di MEP lo a bisa nos famia, yiu, nietonan y
pueblo henter despues? Cu boso a lamenta e sucedido
y cu e no tabata boso intencion pa cosnan sali for man?
Dangui Oduber bo mester ta hopi contento cu bo intento
a fracasa, pasobra e caha di morto cu bo hendenan a
prepara pami persona mi ta kere cu bo mes lo a bay
drumi den dje. Corda cu mayoria biaha ora bo coba un
buraco pa un hende, bo mes ta cay den dje. Cuminsa
pensa riba e consecuencianan prome cu bo actua.
E acto di cobardia y di falsedad cu bo persona a desplega
den Paramento dia 27 di augustus 2015 lo persigui bo
carera politico pa eternidad. Coleganan manera boso
ningun hende tin mester”, sra. Lorna C. Jansen-Varlack
a conclui su mensahe.