Page 19 - min.jus sept 1,2015

28 AWEMainta Diamars, 1 September 2015

Les di
landamento

SKOL di Natacion Ban Progresa ta participa na tur su

alumno y nan mayornan y tambe na tur interesadonan
( hoben y adulto ) cu Diasabra awor dia 5 di september
2014 lesnan di landamento p’e aňa escolar nobo ta
cuminsa.
Manera ta custumber e lesnan ta tuma lugar na Piscina
Olimpico Roly Bisslik na Savaneta.
Orario di lesnan ta lo siguiente: 10:00 am – 11:00 am:
Adulto, Condicion, Diploma C, D, E y F .; 11:00 am –
12:00 pm: Principiante, Avansado, Diploma A, B.
Tur esnan cu ta interesa pa cuminsa of continua cu
zwemles ta cordialmente bon bini na Piscina Olimpico.
Pa mas informacion por bel riba number 586-2753/690-
1116 of 593-3367.

Fraccion di AVP

Pruebanan cu Dangui Oduber kier a
habri porta di Parlamento

E ORA tabata durante di e reunion di Parlamento. Tur miembro

di Parlamento tabata atende e reunion den e sala grandi.
Miembro di Parlamento Dangui Oduber di MEP a sali di e sala y
bay na entrada patras di Parlamento. Di acuerdo cu e “draaiboek”
di MEP el a habri e porta di patras p’e agresornan di MEP drenta e
edificio pa kibra cos, agredi miembronan di Parlamento y personal
di Parlamento, pa logra para e reunion. Un miembro di Parlamento
mes ta bay tras di lomba di su coleganan pa destrui e Parlamento
di Aruba cu pueblo ta pagu’e pa traha aden.

Sr. Dangui Oduber a wordo atrapa pa seguridad di Parlamento y
Polis cu tabata paden y pafo di e edificio. ( Bon trabou!!!)
Sr. Dangui Oduber ta nenga cu e kier a habri e porta manera
tabata plane’a den e “draaiboek” di MEP. Pero e potretnan cu a
wordo publica ta mustra con el a habri e porta di patras durante
di e reunion cu e mester tabata atende. Y e tabata papia cu un di
e agresornan pafo cu mester a yama e otro agresornan di MEP pa
penetra den e edificio via porta di patras.

Sr. Dangui Oduber ta bisa cu el a bay pa wak con ta cu su tata. E
realidad ta cu henter dia sr. Oduber ta na telefon cu su tata.
Niun hende ta guli e excusa cu e mester a bay via porta di patras
pa haya sa con ta cu su papa. E potretnan di sr. Dangui Oduber ta
papia pa nan mes. Esaki ta otro prueba cu MEP no ta di confia. Ni
den Parlamento. Nan ta capaz pa causa daño personal na hende, na
nan coleganan miembro di Parlamento y na personal di Parlamento.
Otro prueba cu no por confia MEP cu niun poder y cu nada di nos
pais.