Page 17 - MIN ON
P. 17
Despues di basta trabou, awo t’asina leu cu renobacion riba e edificio historico Rosa
College ta yegando su fin.
E edificionan ta cla y e ultimo trabou di basha asfalt riba e speelplaats tambe mester keda
cla prome cu fin di luna. Tanto maestro como studiantenan ta pura p’e dia yega cu e scol
por haci su reapertura. Esaki ta riba e prome dia di aña escolar nobo mey-mey di
augustus.
St. Rosa College su renobacion a tuma hopi tempo, esaki no tabata solamente pa motibo
di e dak di asbest pero tambe pasobra ta trata di un scol historico y mester tene cuenta cu
cierto regla. Awo e t’asina leu cu e yabinan lo keda entrega fin di luna p’e docentenan
cuminsa prepara pa ricibi e studiantenan den luna di augustus.
