Page 79 - KPA FLIP 9th APRIL,2016
P. 79
Polis na civil mal spanta a kere cu nan kier a atrake ora el a
bay lanta placa
Friday, 08 April 2016 00:10
Comparti
Diahuebs anochi ta masha sirena cu desordo tabata tin den placa. A resulta cu un polis na civil a bay
lanta placa na un ATM di un banco local den Oranjestad.
El a spanta ora cu el a mira dos homber para pafo. E polis mes a saca conclusion cu nan kier atrake. El a
notifica central di Polis cu a cuminsa mobiliza varios unidad cu urgencia direccion di Oranjestad pa gara
e supuesto atracadornan. Ningun rato a mira arma di candela. Asina mes e polisnan tabata prepara pa
accion y atende e situacion cu masha cautela. E polis na civil cu tabata spanta a sigui e van cu e dos
sospechosonan a drenta. Banda di Lands Laboratorium a logra para e van y baha tur hende. A pone
hendenan man na halto contra muraya y cuminsa un buskeda pa arma etc. A resulta cu un famia tabata
den e van y nan a pasa den un susto pa motibo di e sospecho of susto di e polis na civil. Polis a listra e van
y hiba algun sospechoso warda. Nan a splica Polis den detaye di nan presencia na Aruba. Finalmente a
resulta un blunder loke e Polis nan civil a haci. Nan mester a laga tur hende liber mesora pasobra ningun
rato so tabata tin intencion pa atraka e Polis na civil lantando placa na ATM y nan no tabata arma
tampoco. Otro polisnan cu a yega a considera e asunto aki un blunder total.
