Page 81 - KPA FLIP 9th APRIL,2016

A detene homber bebi cu a hit and run na Playa

Friday, 08 April 2016 09:06
Comparti

Un homber a keda deteni despues di a nenga pa supla despues cu el a hit and run. Den oranan di atardi
esaki a sosode. Polisnan a wordo manda pura pasobra tin un chauffeur a dal y core bay den e area di
rotonde di Sero Blanco. E otro chauffeur a yama y tabata sigui e auto cu a dal den su auto.
Parce el a trata di papia cu e chauffeur cu tabata lomba sunu den auto. E homber a bisa cu e auto no a
haya daño y pesey e ta sigui. Mihor el a para y atende e caso. Polisnan a yega mesora y logra para e
chauffeur di hit and run den De La Sallestraat. A pone pasa un test di supla. Despues di varios intento
menos bon, a atende cune seriamente. Na final el a bisa cu e lo no supla mas. Polis a mustre cu si nenga e
rijbewijs ta wordo kita mesora y e peso di ley ta total e momento ey. Asina mes el a nenga. Polis a bise cu
e ta deteni. E momento ey e kier a core copera pero tabata laat pasobra a boei su man. Polis a hibe warda
caminda eynan e proceso completo a cuminsa. E auto tabata un CRV y su number no tabata paga y e
seguro dimes a caduca. E otro chauffeur a atende tambe cu polis y bumper di su auto a ser destrui. Polis a
splike cu lo atende cu e chauffeur deteni pa asina mira con e lo cubri e gastonan di e daño cometi.