Page 95 - KPA FLIP 9th APRIL,2016

Asalto fracasa a pone autoridad pone man riba gang di
atracadornan!

Publication: Friday, 8 April 2016. Categoria: Policial
Polis na civil por poco a bira victima!

ORANJESTAD (AAN): Diahuebs anochi, algo prome cu 7:35 pm, un agente policial na civil, pues bisti den su paña di
cas, a yega den e parkinglot patras di RBC Bank den Caya Principal. El a baha eynan pa bay den e Vestibulo di e
ATM Machine.

El a drenta, hinca su carchi, y mientras e ta wardando pa e machine saca su placa, inespera un homber a habri e
porta di Vestibulo y a drenta eyden tambe.

E agente a ripara mesora e movimento straño di e homber cu a drenta, laga e porta tiki habri y a fluit pafo pa un
otro.

E Polis a pasa man pa e placa, sali y bay den su auto cu hopi pura. El a drenta su vehiculo, y aki el a mira cu e
dos hombernan a trata na core su tras, pero no a logra. Den mesun rosea e Polis a pasa man pa su Celular y a yama
Central di Polis, y djis dunando algun detaye, ya caba a solicita presencia di patruyanan di polis.

E Polis a nota con e dos homber a drenta bek den un Hyundai H1 Minivan y via celular a sigui duna detaye di e
vehiculo blanco/shinishi, cu number A-46810.

A mira con e Hyundai a busca forma pa huy mesora di e area, pero e agente a keda duna detaye via telefon.
DIARIO a compronde cu den un frega di wowo, for di tur skina di Aruba, un batayon di Polis di diferente
Departamento a yega. Finalmente riba e caminda net pariba di Paviljoen, net pazuid di Gostoso Cafe den Caya ing.
Roland Lacle, nan a bin para e vehiculo aki.
Polisnan a rondona e area, a cera tur caminda, y a acerca e vehiculo pa asina gara e personanan. Tabatin tres
homber den e vehiculo, incluyendo e dosnan cu a purba di hit e agente policial den e Vestibulo di ATM Machine.
Den e vehiculo tabatin mas hende, incluyendo dos mucha.
Polis a reconoce e dos hombernan, como esnan di cual nan cara a plama tur rond Aruba riba video, di e atraco
cometi riba Piedra Plat Lottery, y despues riba YingPing Supermarket net banda di rotonde di Dadelstraat.
Den e Van, tabatin un muher di edad tambe, y un pareha. DIARIO a compronde cu nan tur ta di habla hispano, y
cu acento Venezolano.
Sinembargo Polis no a detene e muhernan, e muchanan, ni e demas hombernan. Parce cu nan tin nada di haber
cu e asunto. Pero e dos atracadornan si a wordo hiba mesora pa Warda di Polis.

http://www.diario.aw/2016/04/asalto-fracasa-a-pone-autoridad-pone-man-riba-gang-di-atracadornan/