Page 96 - KPA FLIP 9th APRIL,2016
P. 96
Atracadornan a mara persona y bay cu 1000
florin for di garage na Rooi Bosal
on: April 08, 2016In: SucesoNo Comments
Print Email
Diahuebs, pa mas of menos 1’or y 16 di merdia, Central ta dirigi patruya na un adres na Rooi Bosal pa un
atraco arma. Eynan a papia cu e homber F, kende a declara cu dos homber di habla Spaño a bin na nan garage,
situa na e mesun adres y a puntra pa un alternator. F. a sigui splica cu un di e hombernan, cu tabata tin un
haltura di mas of menos 1.60 meter), a saca un arma color preto for di su heuptas y a punta riba dje y na Spaño
el a pidie pa placa. Un di e hombernan tabata tin postura delega, di mas of menos 1.75 meter di haltura, bisti cu
un poloshirt preto strepia blanco, carson cortico preto bisti y tabata tin un pechi bruin riba su cabes di e marca
Adidas. E otro homber tabata di color brin, tabata tin un carson preto cortico bisti y tabata tin un pechi of muts
preto riba su cabes.
F. a sigui splica cu el a wordo mara door id e hombernan. Nan a bay cu mas of menos 1000 florin, un renchi di
casamento color di oro y un holoshi. Atraco team y departamento tecnico a wordo poni na altura via Central.
