Page 35 - MIN.VOS MARCH 9

MIN VOS
http://www.24ora.com/deporte-mainmenu-7/92611-volleyball-17-di-maart-den-centro-di-bario-brazil-
revancha-brazil-contra-savaneta

Volleyball 17 di maart den Centro di Bario Brazil: Revancha
Brazil contra Savaneta

Saturday, 07 March 2015 20:38
Comparti

E damanan di Brazil ta cla pa e revancha contra Zee Rovers di Savaneta. E dos teamnan aki a hunga nan
ultimo wega hubenil divicion A como 15 aña pasa pa despues mayoría di nan a viaha pa Hulanda pa sigui
nan estudio. E tempo ey tabata e damas di Savaneta a bay cu e victoria (di bayna).
Awor a yega tempo bek pa Brazil mustra Zeerover cu nan ta cla pa daal Zee Rovers pisa, asina mes sin e
dos dama cu bula cura cu ta bay hunga pa Zee Rovers.
E gran wega aki ta dia 17 di maart den Centro di Bario Brazil y ta cuminsa 8:30 pm.
E team di Brazil ta sigui ta fuerte y nan bin cu dos entrenador internacional Chico Harms y Tito Tromp ,
pues ta ta cos serio bo tin cu spera riba e dia aki.
ZEE Rovers ta cla :
Linda y Yolanda di Zee Rovers ta hasi tur esfuerzo pa bin riba nivel pero asina mes nan tin un poco temor
di e damas di Brazil .
Brazil a laga sa cu e fanatico mester keda pendiente pa mira cu cua uniform y e color cu Brazil lo subi
veld (sorpresa).

E Fanatico di ambos districto no por perde e wega aki, pasobra ta wega entre rivalnan di tur tempo y
tribuna lo ta chikito pa e fanatico.
Por ta cu esaki ta locual por trece bek e ambiente di volleyball manera esaki tabata antes, y cu prensa na
fabor di Volley lo haci cu esaki lo bay crece sigur sigur.
Asina ta reserva dia 17 di maart pa C.B.B.

Pa mas información tuma contacto cu
Chico Harms
Tel 5846500 of 5946862