Page 21 - ATA JUNE 23

Mas hopi Venezolano ta keda 7 dia of mas na Aruba
compara cu e “Turistanan di Swipe” di 1 dia

Publication: Tuesday, 23 June 2015. Categoria: General

ORANJESTAD (AAN): Mercado di turismo pa Aruba a conoce crecimentonan fuerte y nos por
mira esaki tambe di januari pa mei 2015, na unda e total di turismo a subi cu 18.3%.

E mercado primario pa Aruba, esta Merca, a conoce un crecemento di 8.6% den e prome 5
lunanan di 2015. Esaki combina cu crecemento di otro mercadonan manera Canada, Chile,
Alemania y Reinonan Uni.

E segundo mercado mas grandi pa Aruba, esta Venezuela ta sigui crece y A.T.A. ta analisando e
mercado aki di cerca.

E mercado Venezolano por wordo clasifica den dos diferente segmento. E segmento di e
bishitante cu ta bin Aruba aña aden/aña afo y cu tin modo pa biaha y gasta riba e isla, aunke cu e
situacion den e mercado Venezolano por ta dificil.

E segmento di bishitante aki ta keda pa un promedio di 7 anochi.

E otro segmento nobo cu A.T.A. ta monitor ta esun di e Venezolanonan cu ta keda 1 anochi.

A.T.A. ta monitor ambos segmento y por conclui cu esnan cu ta keda 7 anochi of mas ainda ta e
segmento mas grandi pa Aruba. De facto esaki ta e segmento cu a crece mas tanto den e prome 5
lunanan di 2015, den cifranan absoluto. A base porcentual, e segmento di esnan cu ta keda 1
anochi a crece mas tanto.

Den cuadro di e di dos segmento, considerando e opcionnan limita cu e Venezolano tin pa biaha
pa Merca of por ehempel pa Europa, Aruba a conoce un crecemento den esnan di Venezuela cu
ta keda un anochi for di mediante di aña pasa. A.T.A. ta asumi cu e dos aspectonan aki ta mara
na otro, esta cu gran parti di esnan cu ta keda un anochi ta aki, uzando Aruba como hub pa bay
Merca of Europa, pero primordialmente Merca.

Como consecuencia di e situacion domestico na Venezuela, por nota cu e Venezolano no ta
importa si e ta biaha riba un presupuesto of no, ta cumpra productonan basico grandemente na