Page 30 - AM240822

30 COMUNIDAD AWEMainta Diahuebs, 22 Augustus 2024

Un aña di innovacion y tradicion

Melodia ta prepara pa un temporada nobo

CU final di aña na bista, e anticipacion ta crece rond di
Melodia, e grupo musical cu a sa di mantene su luga den

curason di e publico a traves di hopi aña. Bao di e guia di Rubin
Ponson, Melodia ta preparando pa presenta un produccion
nobo y emocionante cu ta combina e tradicion musical cu
innovacion fresco. Den e temporada aki, e grupo ta priminti

di ofrece un repertorio cu no solamente ta celebra e yegada
di Aña Nobo, sino tambe destaca pa su colaboracion special
y un expansion pa genero nobo. Cu un trayectorio di exito y
un pasion pa musica cu no conoce limite, Melodia ta cla pa

cautiva su audiencia un biaha mas cu un proposicion cu ta
priminti ta tanto tradicional como innovado.

Tur aña, Melodia ta dedica na crea un produccion special

p’e ceramento di aña y esaki no lo ta un excepcion. Aunke
na ocasion e agrupacion a presenta menos material cu otro
aña, den e temporada aki nan ta preparando por lo menos
dies cancion nobo. E piesanan aki lo ta den un variedad di

genero, manteniendo e seyo caracteristico di Melodia cu ta
fusiona lo clasico cu lo moderno. E temanan nobo lo inclui
tanto clasico popular como cancion dedica n’e temporada
festivo y n’e celebracion di Aña Nobo.

E aña aki, e produccion lo conta cu e colaboracion di dife-
rente compositor, incluyendo uno special di Venezuela. E
compositor aki a crea letra cu ta refleha e conexion cultural

entre Aruba y Venezuela. Pa prome biaha, Melodia lo inter-
preta un piesa di gaita, un genero tradicional Venezolano,
marcando un innovador inclusion den su repertorio.

E agrupacion tambe a invita varios artista y cantante conoci
di e isla pa nan colabora den e produccion nobo aki. Esaki
ta priminti sorpresa agradabel p’e publico, cu interpretacion
fresco y colaboracion emocionante.

Den e ultimo añanan, Melodia a enfoca su energia den
produccion, grabacion y presentacion en bibo, participando
den festival manera esunnan di Himno y Bandera, Dande y e

festivalnan di Brazil. Aunke e participacion den e eventonan
aki tabata limita, e agrupacion a concentra den studio y den
e preparacion di presentacion nobo.

Encuanto e experiencia den evento cultural, Melodia a estilo unico y tradicional.
participa den esakinan durante dos of tres aña. A pesar di
e trabao duro cu esaki ta implica, e esfuerso tabata gratifi- Cu un repertorio cu ta sigui evoluciona y un dedicacion
cante y a contribui na fortalece e presencia di e agrupacion. constante na su arte, Melodia ta sigui ta un referente di

Sinembargo e enfoke di Melodia a desplasa pa e trabao den musica local. Su compromiso cu e calidad y e tradicion ta
studio y produccion di musica cu ta representa fielmente su sigura cu nan lo sigui marca e diferencia riba escena musical.