Page 26 - AM240822

26 DEPORTE AWEMainta Diahuebs, 22 Augustus 2024

Ultimo lesion di Dodgers por lansa

Padres den liderazgo di NL West

SAN Diego Padres por haya nan mes liderando NL West mas
lihe cu a spera, danki n’e ultimo contratiempo di lesion di Los
Angeles Dodgers. Freddie Freeman, e primera base strea di
Dodgers, a sufri un lesion potencialmente serio durante un

wega contra e St. Louis Cardinals, agregando n’e temporada
ya caba dificil di e ekipo cu lesionnan.

Freeman a sufri un fractura den su dede memey despues

di a dal’e durante e wega di diasabra. Mientras cu e prome
rayonan X tabata negativo, testnan adicional a confirma e
fractura. A pesar di ta den e aliniacion p’e wega di dialuna, e
lesion di Freeman por tin efectonan duradero cu por impacta

su rendimento y e chensnan general di Dodgers.

E desaroyo aki por ta un impulso significante pa Padres,
kendenan a mira nan chensnan di gana e division aumenta

debi n’e lucha di Dodgers. E liderazgo di Los Angeles den e
NL West a disminui, creando un oportunidad pa San Diego,
cu a surgi como un di e ekiponan mas cayente di e liga. Desde

1 di juli, e Padres a registra un record di 24-13, compara cu
e 18-19 di e Dodgers durante e mesun periodo.

Cu e liderazgo di Dodgers den e division reduci significati-
vamente, Padres a cambia nan enfoke for di simplemente
sigura un puesto di wild card pa competi p’e titulo di divi-
sion. E cambio di rumbo aki tabata parce improbabel apenas

algun siman pasa ora Dodgers tabatin un liderazgo domi-
nante di 7.5 wega.

Fanaticonan di Padres lo ta vigilando di cerca cualkier

actualisacion riba e lesionnan di Dodgers, ya cu Freeman
no t’e unico hungado clave for di wega. Dodgers tambe ta
sin Yoshinobu Yamamoto, Brusdar Graterol, Tyler Glasnow,
Chris Taylor, y Dustin May. E impacto acumulativo di e lesi-

onnan aki por ta un factor critico den e careda p’e corona di
NL West.