Page 24 - AM240822
P. 24
24 DEPORTE AWEMainta Diahuebs, 22 Augustus 2024
Zandvoort ta prepara p’e Grand Prix di Formula 1
MIENTRAS cu e Grand Prix di Formula 1 2024
ta yega cerca, Zandvoort ta bulando cu emocion
y ta cla pa organisa e evento prestigioso un biaha
mas. Programa pa tuma luga for di 23 te cu 25 di
augustus, e pueblo costero a bin ta preparando
extensivamente pa garantisa un experiencia memo-
rabel pa tanto bishitantenan como participantenan.
Riba 17 di augustus, Burgemeester David
Moolenburgh y e concehal di Formula 1 Jan Jaap
de Kloet a mustra e preparacionnan festivo di e
pueblo na medionan di comunicacion nacional y
local. E cayanan di Zandvoort ta dorna cu e bander-
anan cuadricula iconico preto y blanco, reflehando
e entusiasmo di e comunidad p’e careda proximo.
Negoshinan local y residentenan a uni n’e celebra-
cionnan, decorando nan casnan, tiendanan, y esta-
blecimentonan pa crea un ambiente vibrante.
E Grand Prix, cu ta cuminsa diadomingo, 25 di
augustus, ta priminti di ta un evento emocionante.
Mientras cu fanaticonan local ta spera pa un victoria
di Max Verstappen, ta spera cu e competencia lo ta
feroz, cu Verstappen enfrentando retadonan cada
bes mas serio, segun concehal de Kloet.
Mas aleu di e pista di careda, Zandvoort ta ofrece
un variedad di atraccionnan pa bishitantenan. E
industria di hospitalidad local ta preparando pa
yama bon bini na huespednan cu porta habri, y e
Badhuisplein lo presenta un feria modesto, incluy-
endo e tradicional Ferris wheel y e Dragon roller
coaster. Pa famianan, tin un circuito di karting nobo
pa muchanan situa entre Boulevard de Favauge y
Burgemeester van Fennemaplein. E kartnan elec-
trico, incluyendo opcionnan di tandem pa adulto
y mucha, ta provee un oportunidad pa tur edad
pa experiencia e emocion di careda. Residentenan
di e cas di cuido Nieuw Unicum tabatin e chens di
disfruta di e experiencia di karting mas trempan e
siman aki.
Pa mehora siguridad y visibilidad, Zandvoort a
instala camaranan di siguridad adicional rond di
e pueblo. Debi na construccion andando, un brug
pa peaton lo ta cera, dirigiendo mas bishitante for
di e stacion di NS door di e boulevard p’e circuito.
E preparacionnan di e comunidad ta subraya nan
compromiso pa entrega un experiencia excepcional
di Formula 1.
