Page 104 - KPA MARCH 29,2016
P. 104
Ladronicia di coriente na Shiribana
Saturday, 26 March 2016 00:08
Comparti
Un cas di loteria na Shiribana na Paradera a descubri cu nan ta horta su coriente. Polis a wordo manda
na e sitio. Elmar su personal di storings dienst, Polis y tambe un hefe di Elmar tabata presente. E persona
cu ta encarga cu e negoshi di loteria a splica cu su meter ta pega na e cas patras di e oficina di loteria.
Den e caso aki un habitante Dominicano den e cas bandona aki a dicidi di bypass e meter di coriente di e
oficina di number. Polis a atende cu e situacion y aki e Dominicano a bay over na menaza e dama cu tin e
oficina di loteria. Parce cu tin adictonan tambe ta keda den e cas bandona aki. E Dominicano a laga sa cu
ningun hende por sake for di e cas. Personal di Elmar a kita e coriente cu tabata bay pa e cas. E señora di
e oficina di numbr a constata ultimamente cu su recibo di coriente tabata bin demasiado halto. Asina el a
descubri cu e ta pagando coriente pa otro fiesta. Polis tin atencion pa e caso aki. Parce cu e cas ta di un
chines y parce tin deadline pa e Dominicano aki bandona e cas. Huez a laga sa caba.
