Page 99 - KPA MARCH 29,2016

Koki na truck di cuminda na Eagle carga cu droga y basta
bala cayente

Friday, 25 March 2016 23:52
Comparti

Un investigacion basta profundo a conduci na detencion di e homber S. E homber aki ta koki na e truck
di cuminda cu tin na Eagle Beach. E no ta un desconoci di Polis. No mucho tempo para el a sali for di
prison relaciona cu atraco arma riba RBC na Palm Beach.

Aunke e ta traha den e truck di cuminda, tog el a escohe tambe pa haci otro negoshi cu ta bende droga
banda di esun di bende cuminda. Pa algun tempo caba a haya informacion di su movecion. Diabierna
Santo su number a hunga. Durante un control a atende cu e koki fam S y a bin haye cu un tas cu dos paki
masha grandi mes cu marihuana. ta dos paki cu lo pasa mas cu un kilo. Esaki no ta droga pa propio uso
pero droga pa benta. Mas leu durante investigacion a bin topa tambe den mesun tas un cantidad di bala
cayente di arma di candela. Entre 25 pa 30 bala cayente e tabata tin den e tas. Polis a confisca e tas, e
auto di e Koki y tambe a detene mesora na e truck mes na Eagle Beach. Despues Polis a drenta e truck pa
asina listra un rato pa mas posibel material illegal. Den e truck no a topa cu nada illegal. E ruman di e
Koki deteni a keda traha y a copera cu Polis pa nan por a listra. Ora Polis a bay e benta a sigui normal.
Tremendo trabou di Strand Politie cu ta cuidando e area di Eagle Beach pa cu campamento. E hefe
Inspector Andrew Hoo y Atalo Winklaar tabata e superiornan na e sitio cu a sostene nan coleganan cu
nan tremendo accion.