Page 17 - AM210204
P. 17
Diahuebs, 4 Februari 2021 AWEMainta 17
Hoben a horta un bicicleta di marca Trek, y a
dicidi di tira e bais den lama y a keda deteni
POLIS tin man yen cu grupo di hoben den e
area turistico, pa motibo cu nan a horta un bici-
cleta. Un di e hobennan a tira e bicicleta den
lama y a trata na sconde den lama, pero Polis a
logra mir’e y a deten’e.
Tabata diamars den careda di 9’or di ano-
chi, cu Stand-Politie tabatin man yen cu un
grupo di mucha hoben den e area di Low
Rise Hotel. Polis tabata buscando un gru-
po di mas of menos 3 pa 4 hoben cu mester
a horta un bicicleta di e marca Trek den e
area turistico.
E hobennan tabata den e area entre Divi Phoe-
nix, Azure y Amsterdam Manor Beach Resort.
Un patruya cu tabata den cercania a bin topa cu
e grupo aki den e area menciona, na momento cu
e hobennan a mira Polis nan a cuminsa core pa
Polis.
Mesora e patruya a pidi pa refuerso di nan cole-
ganan di Noord, Strand y Oranjestad. Un rato
despues durante e buskeda un agente policial
a bin topa cu e bicicleta horta benta den lama,
tambe el a mira un di e hobennan aki ta trata na
sconde den lama pa Polis.
E hoben no por a haci mucho, pasobra Polis a
mir’e caba den lama algun meter leu di unda el a
benta e bicicleta. Polis a confisca dos bicicleta, di
cual un di nan tabata esun horta y e otro tabata
di e hoben mes.
E hoben cu a benta e bicicleta den lama y a bay
sconde pa Polis den lama a keda deteni. Un otro
patruya a bin topa cu dos hoben mas, den cerca-
nia di Divi Phoenix Hotel, e agentenan policial
despues di a duna nan un bon skual, a tuma nan
datonan.
Mientras un di e hobennan di e grupo aki a logra
scapa di Polis. E patruyanan a sigui busca den e
area aki, pero no a logra topa cu ne.
E hoben cu a keda deteni a wordo hiba cu trans-
portwagen di Polis pa Warda di Polis, pa mas
investigacion y duna cuenta di su actonan.
