Page 35 - MIN VOS

pa e grupo aki di 60 plus tambe por sigui desaroya nan mes, desaroya nan
conocemento riba e tereno aki di tecnologia. Ora cu ta papia di tecnologia, por
imagina cu ta bin sistemanan di telefon, sistemanan di comunicacion, cu por ta

via computer y tambe via telefon moderno, cu hopi hende grandi, kisas pa
motibonan cu nan no ta haya e oportunidad pa por siña esakinan, no ta sigui cu

e desaroyonan aki. Ta pesey ta hopi importante pa por concientisa comunidad y
alabes mustranan riba e maneranan con simpel tecnologia ta cambiando y con

simpel ta pa por sigui cambionan di tecnologia moderno.
Matos ta sigui splica cu sigur esaki ta un reto pa nos grandinan. Mester bisa

tambe cu hopi di nan ta bay mee cu e cambionan. Si scucha rond, hopi di nan
ta riba Facebook, hopi di nan ta mira noticianan online. Alabes tambe tin e
cambionan cu ta tuma luga manera pagonan di cuenta di coriente, di awa, di

telefon. Tur e recibonan ey tambe ta bin online. Apesar cu tin cu bisa cu e
oportunidad ta cu nan ta hayanan gratis pero den futuro ta importante pa por ta

conciente cu e cambionan ey, bo mester bay cu nan. E risiconan grandi cu ta
tuma ora ta bay banco, lanta placa, pa paga Elmar, Setar, etc. tin su riesgonan

awendia. Esey ta e bentaha tambe cu bo por siña con pa anda cu e tipo di
tecnologianan asina di pago, pero alabes, e otro banda, sigui tecnologia manera

Facebook, websites, tur e partinan aki ta educa hende pa na por sigui desaroya
nan mes.