Page 11 - MIN JUS 3 MAART 2016

Andin Bikker PDR Mientras e minister di Husticia ta keda
pretende cu tur cos ta bon criminalidad te keda aumenta den
forma preocupante

Wednesday, 02 March 2016 15:35
Tweet

Comparti

Den conferencia di prensa semanal di PDR, Andin Bikker a bolbe toca tema di criminalidad,
delincuencia ta sigui aumenta na un forma preocupante.

Bikker a elabora riba diferente testimonio durante e lectura el a organiza siman pasa, na U.A, caminda a
papia tocante “Con pa ta proactivopa preveni criminalidad” y aki a resalta den e parti social cu hopi
persona cu ta gana un salario minimo of menos cu esey ta yega cas despues di trabao y haya e
desagradable sorpresa cu ladronnan a drenta bay cu tur nan cosnan. Nan ta personanan cu no a cumpra
di un solo bez nan pertenencianan pero a tuma añas pa nan logra y den un rato di ora ladronnan ta bay
cu tur cos. Ademas varios bishitante cu tin hopi amor pa Aruba y tin time share akinan of condominium,
tambe a acudi na e charla y a duna comentario. Nan a mustra preocupacion y kier sa kico ta bay pasa
pasobra nan amor pa Aruba ta hopi grandi y nan ta desea pa algo wordo haci mirando cu tin decadanan
bishitando nos isla y nunca prome a conoce cierto cosnan preocupante cu ta pasando awor aki. Bikker a
bisa cu hecho ta cu den nos pueblo ta biba cu un sintimento di inseguridad en general, y el a tuma nota
tambe di e jaarrekening di Ministerio Publico, cu por fin despues di hopi aña a wordo presenta na
Parlamento en conexion cu tratamento di presupuesto na February locual ta resalta ta cu tin 1.281
verkeersdelicten of infraccion den trafico y nos recursonan limita ta concentra den esaki .

PDR ta di opinion cu e acento mester bay na combatimento di criminalidad pisa cu ta hortamento den
casnan, robo/atraco, homicidio, etc. Bikker ta haya cu ya cu gobierno tin e monopolio pa por carga arma
y nos como pueblo no por carga arma pa defende nos mes na cas, pasobra nos no tin vergunning, y
ademas door cu tin limitacion di recursonan y Cuerpo Policial so nos tin riba caya pa combati
criminalidad, e recursonan limita cu tin mester haci uso efectivo di nan pasobra no por tin polis tur
caminda. PDR ta remarca cu mester concentra e fondonan aki pa combati criminalidad pisa. Den e relato
di Ministerio Publico ta resalta un hecho cu a sosode algun tempo atras caminda mientras dilanti di
Wilhelmina Park tabata tin partimento di multa y lastramento di autonan cu tabata mal para, na Royal
Plaza tabata tin un atraco pisa cu arma. E conclusion di PDR ta cu mucho acento ta bayendo riba
delitonan di trafico, cu pueblo no ta considera delito pisa pero si infraccion. Segun Bikker e maneho di
Minister mester enfatiza aworaki na combati e delitonan cu pueblo si ta considera como crimen y nos
poblacion kier pa gobierno proteha nan cas y nan negoshi prome cu ladron drenta horta tur cos.

El a conta kico un señora bendedor di lotto a declara durante e charla, den diferente bes a wordo atraca
pero Lotto a bise cu e mes tin cu para responsable di loke atracadornan a bay cune. Pesey, Bikker a bisa, e
ta acentua cu mester pone enfasis riba cual ta e prioridadnan ora cu tin recursonan limita y aloca nan na
combati criminalidad cu pueblo ta considera como pisa y proteha nos ciudadanonan na luga di sigui
enfatiza riba delitonan di infraccion den trafico. Bikker a conclui bisando cu esaki ta un humilde