Page 11 - AWEMAINTA

Diabierna, 1 Juni 2018 AWEMainta 11

Polis a bay pa muhe desconoci drumi den baño di panaderia

DIAHUEBS algo pasa di 10’or y mey di mainta, patruya di Santa
Cruz ta wordo manda na Bright Bakery, pa motibo cu personal di Bright
Bakery a bin descubri un dama hoben drumi den baño di Bright Bakery.
Na yegada di e agentenan ta bin compronde cu e damia aki tabata tin
basta rato drumi den e ba a nan a bin compronde cu e dama aki tabata
drumi pa basta rato den e baño
E agentenan policial a bay paden y a lanta e damita aki for di soño y a
bin cune pafo. Aparentemente e damita aki ta sufri di un problema di
salud. E polisnan na e sitio a trata di comunica cu famia di e damita
pero no a logra. Polis a splica e damita cu e no por keda den e panaderia.
E damita na su turno a bisanan cu elo tin gana di bay cerca un amigo di
dje den oranjestad, pero e no tabata corda e number di cas, pero esnan
presente tabata sa cua cas y asina polis a hibe na e cas.
Loke a hala atencion cu e agentenan policial y e personal di e panaderia
a bisti un mask riba nan boca, probablemente lo por ta pa protega nan
mes di un posibel caso di TBC of cualke otro malesa contagioso. (por
mire ariba e fotonan) E damita tambe mester a bisti un mask.

Aparentemente e panaderia a tuma esaki hopi na serio y mesora a tuma
tur medida di prevencion, nan a cera pa algun rato, pa nan a desinfecta
y haci e negoshi limpi, pa asina evita si acaso lo por tabata trata di un
posibel caso di TBC of di cualke otro malesa cu lo por ta contagioso.

Homber a baha na

caminda robes

DIAMARS, pa mas of menos 4’or di
marduga, Central ta manda un patruya na
un cas na Tanki Leendert pa un homber na
soño. Eynan a bin topa cu un homber drumi
abao, geleund na cura di un cas. Di biaha a
lant’e for di soño. El a declara cu el a sali cu
un conoci di dje pa San Nicolas. El a wordo
baha na e rotonde di Tanki Leendert, pero e
no tabata sa con e mester a sigui pa yega su
cas. El a dicidi e ora pa bay sinta contra di un
muraya, unda cu el a pega soño. E homber
a wordo hiba cu transportwagen pa su luga
di keda na Montaña Plaza. Central a wordo
poni na altura.