Page 23 - AVP

Booshi Wever Di UPP: Mea Culpa Si Mester Bin

Medida For Di Den Haag

 Politica
- 21/11/2019

Hopi, particularmente e causantenan di e desastre financiero y administrativo, tabata
warda pa algun luna caba riba un e anuncio di un “aanwijzing” of KB riba e Gobierno
actual, pero cu defacto ta un medida contra nos pais.

UPP a mustra cada bes cu e desaroyo di un constante menasa no ta contribui pa nos sali
for di e situacion cu nos ta aden.

Partidonan di Gobierno tabata di hubilo, pasobra Aruba no a haya nada. Pero mas bien
parce cu Aruba a haya un “uitstel” y no un “afstel”.

E menasa ta keda latente y e ta conforma un advertencia cu nos mester mira con prudente
nos mes ta pa actua den esaki.

E situacion cu nos ta hinca aden awe, ocasiona na 2014 pa Mike Eman y su pandiya di
AVPOR, a continua cu e “blunder” di e protocol cu Gobierno a renoba dia 22 di
november 2018 y cu Parlamento a empeora ora, debi na falta di sincronisacion a cambia e
ley di Laft cu Gobierno di Aruba mes a presenta di tal manera, cu Gobierno di Aruba a
wordo obliga dor di Hulanda pa bay den un crisis constitucional cu su propio Parlamento.