Page 25 - AVP
P. 25
Of ta purba pasa un ley p’asina laba cabes di un Ministro den un caso di corupcion
administrativo cu otorgamento di proyecto di incinerator chikito?
Dos aña a pasa y ainda no tin Ombudsman, no tin e Canari-verordening
(klokkenluidersregeling), no tin ley di financiamento di partidonan politico, ley di
screening di Minister, e famoso “begrotingskamer” etc etc.!!
Pues leynan cu por garantisa bon gobernacion, no pa Gobierno di Hulanda, sino pa nos
mes un pais. Y aki ta unda nos tin atrobe dos aña perdi.
Dos aña cu nos por a usa pa remodela nos sistema di gobernacion, haciendo esaki uno
drechi. Y esaki lo mester a wordo haci atrabez di un dialogo nacional, manera tempo di
RCOA, na unda tur stakeholder lo tin participacion, p’asina por tin consensus general, cu
fin pa yega na solucionnan STRUCTURAL y DURADERO!
Nos ta lamenta e postura si di Gobierno actual, cu ta bay Hulanda cu un spada mal
“gesleip”, y na mes momento indicando cu si mester ta tuma e medidanan tambe, tirando
asina e serbete den ring. Aruba, Quo Vadis!
