Page 30 - AVP

E iniciadornan a propone p’e ley ser manda pa Raad van Advies pa un conseho. Wyatt-
Ras cu hunto cu Lopez-Tromp ta iniciadornan desde comienso di e ley aki a representa e
comision di e constelacion aki di Parlamento y pa sorpresa di Wyatt-Ras na final di
discurso di Lopez-Tromp, e Presidente Ady Thijsen sin respet pa democracia no a kier a
laga Wyatt-Ras como iniciador tambe hiba palabra.

Wyatt-Ras ni su coleganan di fraccion y hasta otro coleganan di otro fraccion no por a
compronde e forma di proceder di Ady Thijsen.

Mervin Wyatt-Ras di basta tempo caba a ripara cu e Presidente aki a bin ta purba silencia
Wyatt-Ras y su fraccion p’e por bulldoze cos den Parlamento.

Segun Wyatt-Ras netamente den caso di Ombudsman, e Presidente dictatorial aki no mag
di haci loke el a haci, pues di stroba un iniciador pa hiba palabra djis pasobra e ta di
oposicion.

Esaki no ta prome biaha cu ta silencia oposicion. Anto netamente pa Wyatt-Ras kende ta
sali na defensa di nos cuidadanonan.

Wyatt-Ras den pasado, dia 28 di september 2011, hunto cu sra. Lopez-Tromp ya caba a
yega di presenta un mocion pa traha riba un Kinderombudsman, cual mocion a ser aproba
unanimamente. No ta democratico cu e Presidente sin manera aki djies pasobra e mester
bay Hulanda y kier tin e ley trata prome cu e bay, ta purba di silencia Wyatt-Ras.

E odio cu Ady Thijsen kizas tin riba Mervin Wyatt-Ras a bira bisto.

E ley di Ombudsman lo haci posibel cu nos pueblo ora e no ta di acuerdo e por acudi n’e
Defensor di Pueblo pa entrega keho. E Defensor di Pueblo segun ley lo mester atende cu
e kehonan dentro di un termino y por intermedia cu instancianan pa yega na un mihor
maneho y sali na derecho di cuidadanonan.

E Defensor di Pueblo ta raporta na Parlamento. E ta un entidad independiente manera
Raad van Advies y Algemene Rekenkamer cu lo yuda Parlamento haci un mihor trabou
di control di Gobierno. E lo por haci investigacion riba su mes tambe.

E ley aki despues cu e regresa for di Raad van Advies y cu a contesta preocupacionnan di
Raad van Advies por ser trata den Reunion Publico.