Page 33 - AVP

Mike Eman a cay den su propio trampa? Esaki lo por conclui ora mira e homber cu a
manipula cu e esencia di democracia, ta rondona su mes riba caya cu algun sostenedo
cu ainda no a realisa kico Mike a haci cu Aruba.

Titulo e no tin mas. Den realidad el a perde hasta su licencia pa cana yega y brasa
hende sin mas cu e pretexto cu e ta un gobernante di pueblo.

Ainda e no por entrega spada. Ainda e mester sigui instiga mientras e Arubiano ta lucha

pa su autonomia, pa e Status Aparte cu Aruba a logra, y cu Mike Eman a pone na
peliger y casi a destrui.

12-8 tabata e magia di resultado di eleccion na 2009. E cifranan a forma un señal na

muraya pa Arubianonan cu mester a lucha y bringa pa nan lucha sagrado pa autonomia
financiero den Reino den cuadro di Status Aparte di e pais.

12-8 tabata e marca di engaño y mentira cu Mike Eman tabata entrega na pueblo di

Aruba , manera awe cifranan oficial di cuentanan anual di Aruba, documentonan y
rapportnan oficial di Aruba ta duna testimonio.

Berdad no por wordo dera y berdad ta bini dilanti ora e marca di traicion kere cu e por

destrui un pais, cu ta yama su mes bendiciona.

Mientras na Hulanda na e momentonan aki Aruba mester bataya pa splica cu nos por
soluciona nos problemanan, Aruba mester convence politiconan Hulandes cu e cara di

un Ministro Presidente cu ta bebe Ensure den welga di hamber, no ta e imagen di un
pais di dignidad.

Mike Eman a destrui hasta e imagen di Aruba den bista di Reino, cu na 1983 a duna e

Arubiano su Status Aparte.

Ora analisa y studia cifranan oficial di Aruba, e traicion ta bini dilanti. Declaracionnan di
instancianan oficial di Aruba cu ta mustra con impresion falso a wordo crea pa Aruba,

cu a wordo hiba deliberadamente pa un crisis dor di Mike Eman, cu awe ta sconde tras
di baricada.