Page 11 - MIN VOS
P. 11
Brazil Taekwondo Stichting su team di Train Hard Fight
Smart ta cla pa Korea
Wednesday, 21 June 2017 13:00
Comparti
Brazil Taekwondo Stichting su team di 4 atleta ta biahando pa Korea pa asina participa na e Open di
Korea y nan tin un training pisa tras di lomba cu ta parti di e plan di 2017. No ta pornada nos tin e lema
di Train Hard Fight Smart y esaki ta wordo bon usa na e Dojang di Brazil Taekwondo Stichting.
Un team di trainer ta haci esaki posibel pa e atletanan cu ta train na Brazil Taekwondo Stichting pa nan
por logra nan meta. Na aña 2015 nos a participa cu 8 atleta di Brazil Taekwondo Stichting na 3
campeonato na Korea y nan a logra trece 8 medaya Aruba e tempo ey. Awor e focus ta mas grandi cu na
aña 2015, mirando cu Záhyon Klabér a clasifica pa e Pan Americano di Taekwondo di 2017 cu ta tuma
lugar na Costa Rica na luna di Augustus y ta haci cu e trip pa Korea ta sumamente importante pa e team.
E team lo keda Korea pa 3 siman pa asina por participa na e Open di Korea y despues sigui cu un camp
training na Korea. Tur esaki ex campeon mundial y coach Olimpico Henk Meijer ta haci pa e team di
Aruba pa asina e mira nos atletanan crece mas y mas tur dia.
Soccer Institute Aruba cu tremendo open dag pa futbolista
joven
Wednesday, 21 June 2017 12:59
Comparti
Soccer Institute Aruba recientemente tawata tin un tremendo open dag pa tur futbolista joven na Aruba.
“Nos por a mira hungador di diferente club presente manera di United, Estrella, Bubali, RCA, Britannia,
Nacional, La Fama y Dakota.
Esaki ta e bunitesa di futbol; ora por mira tur e muchanan aki di diferente club train hunto y pasa un
dushi dia.” Riba e dia aki por a conose e set up nobo, mas moderno di SIA cu a cay na agrado di tur
presente. Soccer Institute Aruba (SIA), ta conta cu 72 mucha total a presenta pa probecha di e open dag,
