Page 115 - MIN VOS

E 31 edicion di e torneo internacional di tennis, TIHTA ta
premira di bira grandi

Tuesday, 20 June 2017 17:02
Comparti

E aña aki un bes mas nos dushi isla tin e honor di host un di e torneonan internacional di deporte hubenil
di mas prestigioso na Aruba cu ta carga e nomber TIHTA. Pa Aruba Lawn Tennis Bond esaki lo ta e di 31
edicion cu e torneo di tennis TIHTA lo ser organisa na Aruba.

Mester bisa cu e participacion internacional lo ta uno masal cu tennistanan di exterior di tur parti di
mundo como tambe di nos propio tennistanan local hubenil. E Torneo Internacional di Tennis Hubenil
Aruba ta uno reconoci mundialmente y ta supervisa door di e federacion mundial di tennis ITF. Na e
torneo aki e demas hungadornan por acumula punto pa e ranking di COTECC, cual ta e ranking oficial di
America Central y Caribe pa esnan di 14 aña of menos. E otro categoria cual ta esun bou di 18 aña lo por
acumula punto directamente pa e ITF ranking.E competenciainternacional di tennis TIHTA lo tumalugar
riba e canchanan di Aruba Racquet Club. Paisnan participante na e torneo aki ta Trinidad & Tobago,
Venezuela, Colombia, Surinam, Brasil, Polaco, China, Japon, Australia, Merca,Russia,
Bahamas, Barbados y Aruba.

Mester bisa cu aña pasa pa prome biaha un hoben tenista di Aruba a logra scirbi e torneo TIHTA riba su
nomber. E hoben Arubano Kyle Frankel awo residencia na Merca a marca historia pa Aruba door di bira
e prome tenista Arubano hubenil cu e logra gana e torneo di tennis TIHTA den su categoria. E weekend
benidero ya caba lo cuminsa cu e rondanan clasificatorio mientras otro siman dialuna lo inicia cu e
torneo Un danki sigur na Lotto, e Loteria di Aruba pa medio di Comision di Subsidio cu a yuda subsidia e
prestigioso torneo di tennis internacional TIHTA. Cumprando weganan di Lotto, e Loteria di Aruba bo ta
contribui na deporte riba nos isla. Meta di e fundacion ta pa organisa loteria, cambia bida di su
hungadonan y na mes momento inverti den deporte local pa medio di donacionnan na e Comision di
Subsidio.