Page 117 - MIN VOS

Grandmaster Chaco Cornelio tin su potret den e Museo di
Taekwondo na Muju, Sur Korea

Tuesday, 20 June 2017 15:09
Comparti

Actualmente un delegacion di Aruba den e deporte di taekwondo ta na Muju, Sur Korea unda den algun
dia e campeonato mundial di taekwondo lo tuma lugar. Na banda cu Aruba tin su representacion den
persona di e atleta elite Monica Pimentel, tambe nos tin un referee internacional renombra cu lo forma
parti di e campeonato mundial aki.

Grandmaster y alabes referee di taekwondo, Sr. Jose “Chaco”Cornelio no ta un desconoci den e mundo di
taekwondo, su 38 anjanan afilia na e deporte di arte martial a haci cu Chaco a bira un persona
internacional den e mundo aki. Den e Museo di taekwondo na Muju, Sur Korea tin un poster di e referee
internacional Arubano di taekwondo, Sr. Chaco Cornelio. Referee Cornelio ta e unico Arubano cu tin un
imagen di su persona den e walhala di taekwondo na e ciudad di Muju, Sur Korea. Esaki sin duda ta un
reconocimento hopi grandi pa nos isla. E deporte di arte martial aki originalmente a wordo crea na e
ciudad di Muju. Nos mester considera Grandmaster Chaco Cornelio un orguyo di Aruba riba e tereno di
deporte. Su representacion pa Aruba den exterior mester wordo respeta paso e ta gosa di un reputacion
unico. Algun anja atras Sr. Chaco Cornelio a wordo eligi pa forma parti di e Hall of Fame di taekwondo.
Riba e foto nos por mira Sr.Chaco Cornelio orguyoso dilanti su potret den e Museo di taekwondo na
Muju, Sur Korea.

Lotto ta desea atleta elite di taekwondo, Monica Pimentel tur
clase di exito den e campeonato mundial na Sur Korea

Tuesday, 20 June 2017 15:15
Comparti

Diadomingo merdia e atleta elite den e deporte di taekwondo, Monica Pimentel hunto cu coach di
seleccion, sr. Teofilo Rodriguez a sali pa Muju, Sur Korea unda e campeonato mundial di taekwondo lo
tuma lugar otro siman. Na nos aeropuerto Internacional Reina Beatrix, representantenan di Lotto sr. Di