Page 21 - jus jan 20,2016
P. 21
38 Djarason 20 Yanüari 2016
POLIS TA PIDI SOSEGA NA PAS
YUDANSA
PA RESOLVE
KASO ATRAKO
WILLEMSTAD.-
Relashoná ku un atrako ku
a tuma lugá djárason 13 di
yanüari último, alrededor
di sink’or (5:00) di mainta,
polis ta buskando algun
persona pa logra resolvé e
kaso aki.
E atrako a tuma lugá
riba F.D. Rooseveltweg na
haltura di gròt di Hato. Riba
e dia en kestion e víktima
(un ekstranhero) a haña
kabes di boto serka dos
hende respektivamente; un
hòmber i un muhé, pa bai na
un sentro di dibertishon riba
Seru Fortunaweg.
E outo ku e víktima
tabata aden a keda
blòkia pa un otro outo. E
sospechosonan den e otro
outo aki a kita for di e
víktima su oloshi di man,
dos telefòn i algun dòler.
Polis ta pidi e dos(2)
personanan ku tabata den e
outo ku e víktima, tambe e
persona ku a duna e víktima
un kabes di boto despues di
e atrako pa tuma kontakto
ku Atrako Tim. Via e
numbernan di telefòn; 866-
6218 òf 866-6219.
Bo informashon ta yuda
polis den su investigashon.
