Page 8 - UTILITIES
P. 8
CUA TA E MOTIBO BERDADERO DI
SUBIDA DI PRIJS DI GASOLIN? E ta culpa di
Gobierno?
June 13, 2018
Prijs di gasoline ta subiendo mundialmente. Esaki ta un desaroyo cu tin tur gobierno di tur pais rond mundo
hopi preocupa. Tur pais, primordialmente ta culpa e gobierno di e pais pa e subida di prijs actual. Y pa straño
cu por zona, e momento cu bin un caida den prijs di gasolin, niun gobierno ta wordo duna e credito pa esaki.
Ki influencia politica gubernamental tin den subida di gasolin? Gobierno di un pais tin un limite te unda nan
por interveni of influencia prijs di gasolin?
Prijs di gasolin ta core paralelo cu prijs di crudo. Esaki kiermeen cu si prijs di crudo internacional subi, prijs di
gasolin tambe ta subi. Na principio niun gobierno di ningun asignatura politico por interveni riba e subida di
prijs di gasolin mescos cu e no tin influencia riba e prijs di crudo tampoco. Gobierno no tin culpa riba subida di
prijs di crudo tampoco gobierno por tin influencia riba subida di prijs di gasolin. Esaki ta debi tambe na e
manera cu e prijs di gasolin ta wordo calcula.
Un representante di Platts Analytics ta indica cu e merdado di crudo ta pasando den e “cambio di mas grandi
den historia di mercado petrolero” cu lo conduci na pusha prijsnan halto. E ta considera tambe cu esaki ta bay
ta e cambio mas perhudicial pa e industria di refinacion di historia, esaki segun e pagina online oilprice.com.
Riba e pregunta si Gobierno di Aruba por influencia riba e subida of bahada di prijs di gasoline, e contesta ta
keda na principio no, pasobra e prijs di crudo mundialmente ta fiho ademas di e sistema cu e prijs ta wordo
calcula aki pa hopi aña cu no a wordo cambia.
