Page 9 - AB

4 LOCAL AWEMainta
Welo y welanan atrapa den memey
Balansando trabou, cansancio y cuido di yiu
PA hopi famia, welo y welanan ta e red di siguridad cu ta mantene tur cos hunto.
Cu e costo di cuido di yiu aumentando y mayornan cu hopi biaha ta traha oranan
largo pa un salario modesto, welo y welanan ta yuda como babysitter, chauffeur y
ayudante cu huiswerk. Pero pa adultonan mayor cu tambe mester traha, e areglo
aki tin un prijs halto: Nan propio salud.
E ‘double shift’ scondi
Hopi welo y wela ta den nan sesenta of setenta aña, un edad na cual nan lo a spera
di por a baha man of disfruta di nan pensioen. En cambio, nan ta balansa trabounan
part-time of hasta full-time hunto cu cuido di nan nietonan. E ta un ‘double shift’
exigente—traha na trabou, y despues traha atrobe na cas.
E peso fisico ta obvio. Core tras di muchanan chikito, hisa stroller, of keda lanta te
laat cu muchanan cu no por drumi por ta un cansancio hasta pa mayornan hoben,
mucho mas pa adultonan mayor cu kisas ya caba ta lidiando cu artritis, presion halto,
of otro problemanan di salud relaciona cu edad. Dokternan ta adverti cu cansancio
y stress constante por empeora condicionnan cronico, pero hopi welo y wela ta sinti
cu nan no tin otro opcion.
E peso emocional
Ademas di e peso fisico, tin e peso emocional. Hopi welo y wela ta describi cu nan
ta sinti nan culpabel: culpabel pa ta mucho cansa pa hunga, culpabel pa rabia ora e
pasenshi caba, of culpabel pa lucha pa balansa nan rol como cuidado cu nan propio
necesidad pa descansa.
Algun tambe ta lucha cu resentimento. Nan ta stima nan nietonan profundamente,
pero den silencio nan ta desea cu nan tabatin mas tempo pa nan mes—sea pa
hobby, bida social, of simplemente pa recupera. E tension ey hopi biaha ta keda
ATM na Kamay banda di NG Supermarket
ta habri pa sirbi bo!
Nos ta invita tur cliente pa haci uzo di nos ATM na Kamay. E ATM aki
ta ofrece servicionan manera, lanta placa, pidi saldo, transferencia
di placa entre bo propio cuentanan y cambio di PIN.
www.bancodicaribe.com
Diabierna, 5 September 2025
sin wordo bisa, scondi tras di un sonrisa, pasobra
admiti’e ta sinti como algo desleal na e famia cu nan
ta purbando di yuda.
Dicon e ta sosode
E causa principal ta financiero. Den gran parti di
mundo, e gastonan di cuido di yiu ta competi cu of
hasta surpasa e gastonan di vivienda. Pa mayornan
cu ta gana salarionan modesto, paga pa un crèche
of babysitter ta fuera di nan alcance. Welo y welanan
ta yuda no solamente pa amor, sino pa necesidad.
Na mes momento, hopi welo y wela no por afford
di bay cu pensioen. Cu e costo di bida subiendo, y
tin biaha debenan cu a keda, nan mes ta keda den
e forsa laboral. E resultado ta un generacion atrapa
entre dos responsabilidad: apoya nan yiunan y lanta
e siguiente generacion.
Mester di sosten
Expertonan ta argumenta cu esaki no ta djis un
problema di famia priva, sino un asunto publico.
Programanan di cuido di yiu pagabel, reduccion di
belasting pa famianan cu ta cuida otro, y flexibilidad
na pia di trabou pa empleadonan mayor por alivia e
peso. Sin e tipo di sosten ey, miyones di welo y wela
lo sigui sacrifica nan propio salud den silencio.
E alegria den e cansancio
Asina mes, e no ta un storia cu un solo banda. Hopi
welo y wela ta bisa cu e tempo cu nan ta pasa cu
nan nietonan ta hopi gratificante, dunando nan un
proposito y alegria. Nan ta aprecia di por ta parti
di e bida diario di nan nietonan den un manera cu
generacionnan anterior hopi biaha no por tabata
ta. Sinembargo, e alegria no ta kita e cansancio—
y pretende cu e ta asina ta un riesgo pa ignora e
costonan real.
Manera un wela a bisa: “Mi no lo cambia e brasanan
pa nada. Pero tin dia, mi rudianan ta haci dolor, mi
cabes ta dal, y mi ta puntra mi mes cuanto tempo
mas mi por sigui cu esaki.”
Su palabranan ta captura e curason di e asunto:
Welo y welanan ta tene famianan hunto, pero na un
costo personal cu sociedad rara bes ta reconoce.