Page 27 - MIN JUS DEC 18,2015

AWEMainta Diabierna, 18 December 2015 9

“Foei “DI FRACCION di MEP den Parlamento
Andin
Bikker!!!!” bo por spera tur cos. Nan tin lunanan
sin bin trabao y awe cu tin un encuentro
cu Minister di Husticia y tur e experto
di Cuerpo Policial pa ‘brainstorm’ kico
tur nos por haci pa contribui na combati
y preveni criminalidad nan ta opta pa
bandona sala”. Na palabra e miembro di
fraccion di AVP, Clarisca Velasquez.

“Pero loke a straña nos ta cu sr. Andin
Bikker kende ta yama
su mes pragmatico no
a haci nada pragmatico
ora el a scoge pa sigi MEP
bandonando sala pa no
atende e encuentro cu
Minister di Husticia y tur
e expertonan di husticia.
Den sindicalismo nan
ta siñabo pa nunca
bandona mesa ora tin
negociacion”.

Den sala di Parlamento
si bo bandona sala bo
no ta contribui cu nada.
Esaki ta netamente loke
Andin Bikker a haci. Ta
un lastima, pasobra e
mes semper ta yama
su mes pragmatico y
awe a demostra cu e
ta wordo instrui dor di
MEP. Awendia critica
so no ta un opcion mas.
Como Parlamentario bo
por contribui cu husticia
haciendo pregunta,
dunando sugerencia,
ideanan, treciendo bo
preocupacionnan y
treciendo cambionan
den ley y aproba leynan
cu ta instrumentonan
pa combati y preveni
criminalidad.

Segun Clarisca
Velasquez, awe Andin
Bikker cu hustamente
ta critica Minister di
Husticia tur ora awe no
a contribui cu nada di
husticia ora el a opta
pa bandona sala di
Parlamento faltando
respet tambe na tur nos
expertonan di Cuerpo
Policial.