Page 2 - AM210216

2 AWEMainta
Casonan di agresion den relacion ta sigui aumenta
Mescos cu problemanan familiar
E presion social pa gran parti ocasiona p’e pandemia
cu Aruba ta pasando aden, ta sigui crece ta birando alo
mucho mas serio cu loke e ta aparenta.
Den un fin di siman largo, varios caso a wordo rapor-
ta, caminda a pidi asistencia di Polis, pero otronan cu
no a pidi asistencia ora cu famianan mes a interveni
pa trece trankilidad den confrontacionnan tanto fisico
como verbal.
Den varios caso uso exceso di alcohol tambe a hunga
un rol tanto di parti di homber, pero tambe di parti di
e hende muher y cu algun a caba den agresion fisico.
Den varios caso Polisnan a bay over na detencion di un
of mas persona, caminda agresion fisico a hunga un rol
y notabel ta cu riba dia di San Valentino, varios pareha
a celebra e dia parti mainta y den oranan di atardi e
celebracion a caba den menasa y agresion.
Sinembargo ta preocupante cuanto caso di maltrato a
bin ta tumando lugar, gran parti kisas p’e tension cu
ta existi den hopi cas pa falta di suficiente placa y ca-
minda despues di consumo di alcohol esaki ta bay for di
man, mas tanto dor di e homber di famia.
Den un caso lamentabel a sosode na Santa Cruz ca-
minda e tata a agredi e mama dilanti di tres yiu chiki-
to, kendenan a core sali for di cas y drenta cas di bisiña
cu a interveni pa evita lo peor.
Otro famianan cu ta biba den becindario despues a in-
terveni y a logra di saca e tata for di e cas ya cu no ta
prome bes e ta haci e cos aki.
E señora sinembargo no kier a yama Polis, pero si a pidi
p’e homber bay y loke su famia a logra di haci tambe,
hibando e homber cu tur su pertenencianan pa un otro
Diamars, 16 Februari 2021
adres, caminda e problema mas grandi ta sinta den e
hecho cu e homber no tin trabou vast, pero ta exigi di
su señora cu si ta tuma trabou aki aya, placa pa bebe.
E muchanan no a wordo agredi den e caso aki, pero
nan a keda traumatisa pa loke nan a mira pa di tanti-
simo bes, pero caminda ta spera cu awor nan por biba
den trankilidad.
Otro caso serio ta di un pareha hopi jong, cu tabata cel-
ebrando dia di San Valentino den un restaurant, pero
pa motibo di un whatsapp cu e mucha muher a ricibi, a
lanta un discusion cu tiramento di bebida den cara di
e hoben dama.
Gerencia di e restaurant a pidi e mucha homber pa
bandona e lugar sino lo yama Polis, mientras cu e ho-
ben dama a yama su famia pa bin buske n’e sitio, pero
e incidente aki a tuma lugar dilanti di hopi otro cliente,
entre cual varios mucha chikito.
E presion den casnan di famia tambe ta birando un
problema serio, caminda discusion ta cos di tur dia, ya
cu den hopi caso e placa no ta yega pa haci mucho cos,
mientras cu debenan ta sigui aumenta pa falta di placa
pa paga y esaki ta causa hopi iritacion cu ta conduci na
agresion verbal y fisico.
Ta remarcabel cu e tipo di situacionnan aki no ta tuma
lugar entre parehanan hopi aña casa of bibando hunto,
pero den hopi cas di parehanan hoben caminda tambe
tin falta di suficiente fondo pa haci loke tin mester pa
tin trankilidad financiero y familiar.
Den un caso hopi serio cu AWEMainta a ser informa
di dje ta cu mama di tres hoben, uno di 13, otro di 11 y
uno di 9 aña, den fin di siman a pasa dos dia banda di
beach pa motibo cu e mama mester a traha y no taba-
tin hende pa wak p’e muchanan, ya cu su relacion cu su
famia no t’esun di mas mihor.
Un tanta diadomingo merdia a puntra p’e muchanan
y ora cu el a ser informa cu nan ta na beach, el a bay
busca nan y hiba nan cas, pero a mustra cu tin mester
di mas atencion p’e tipo di casonan aki di parti di auto-
ridadnan. Por ehempel mester por tin un centro camin-
da e muchanan aki por pasa nan dia, sea hungando of
hacienda algo util sin cu nan ta ser someti pa peliger.