Page 18 - MIN ON 12 MAART 2016

24 AWEMainta Diasabra, 12 Maart 2016

Crystal Andrus Morissette,
durante Women’s Day
Conference

Comunicacion
efectivo ta
esencial p’e
ser femenino
gara mas
oportunidad
den su bida

CRYSTAL Andrus Morissette ta un cara

conoci caba na Aruba. El a bolbe nos isla
pa di 4 biaha pa ta un orador na Women’s
Day Conference 2016, organisa pa Centro
pa Desaroyo di Hende Muher y Ministerio
di Enseñansa y Asunto di Famia. Crystal
Andrus Morissette a bisa di e conferencia
cu e tabata un encuentro increibel di
muhernan espectacular; hendenan muher
cu ta reconoce y realisa kico nan por haci
ora cu nan ta traha den union.

E hende homber mester di e tipo di
encuentronan aki tambe, el a agrega. El a
splica cu e conferencia no tabata solamente
y simplemente tocante di hende muher y e
hende muher empodera; e tabata tocante
di con e hende muher por sanea su mes y di
berdad ta un partner den su relacionnan y
ta completo como mama, y simplemente pa
ta consciente di e forsa cu e hende muher
tin.
Crystal Andrus Morissette a subraya cu
un di e puntonan mas importante di e
evento, cu a tuma lugar diamars riba Dia
Internacional di Derechonan di Hende
Muher, tabata e combersacion tocante di
comunicacion. E hende muhe tin cu siña y
por siña con pa comunica su necesidadnan,
y en general mester siña con pa comunica
pa wordo scucha na un manera efectivo y
clave.

E ser femenino ta cariñoso, ta stima,
t’esun cu ta cuida, y tin sabiduria, y si e
no ta expresa na un forma cu e ta wordo
scucha tur e caracteristica y talentonan di e
hende muher ta bay perdi. Ta esencial pues
p’e hende muher comunica mihor pa su
necesidadnan wordo atendi manera debe
ser, Crystal Andrus Morissette a conclui
bisando.