Page 19 - MIN ON 12 MAART 2016
P. 19
28 AWEMainta Diasabra, 12 Maart 2016
Minister Michelle Hooyboer-Winklaar
Gradiciendo tur cu a
laga hendenan muher
luci riba nan dia
Durante e di 5 edicion di “Women’s Day Conference”
“MASHA contento nos a keda cu e lugar, pero
specialmente cu e servicio unico cu e hotel a brinda
nos y sin lubida e regalonan, e artistanan femenino
cu nan obranan di arte, Curators on the Go, Cosecha
y nos Maestra di Ceremonia”, asina Minister Michelle
Hooyboer-Winklaar a duna di conoce despues di e
evento asina exitoso y bon atendi cu a tuma lugar
diamars atardi den e ballroom di Aruba Marriott
Resort & Stellaris Casino.
E mandatario ta organisa e evento aki pa di 5 aña
consecutivo y e aña aki, debi n’e demanda adicional
di hendenan muher den comunidad, mester a muda e
actividad pa Marriott den un esfuerso pa por acomoda
mas hende.
Di berdad cu Aruba Marriott Resort & Stellaris
Casino a transforma e sala specialmente p’e evento
y Aruba Aloe a percura pa un cantidad di regalo pa
tur presente, e artistanan a exibi nan obranan di arte
hunto cu Cosecha den e exposicion, mientras cu Erin
Croes, manera semper, a sa di entretene tur hende
muher riba nan dia!
E artistanan participante tabata Desiree Rep-
Sporkslede, Elisa Lejuez Peters, Irene Peterson,
Jeanne Ecury-Sijben, Maja Lepsanovic, Maria Onni,
Mayo Stoppels, Michiko Takatsu, Vanessa Paulina,
Alida Martinez, Belinda de Veer y Osaira Muyale.
“Mi tin palabranan di masha aprecio pa tur cu a laga
hendenan muher luci riba nan dia”, tabata palabranan
expresa pa Minister di Enseñansa, Michelle Hooyboer-
Winklaar.
