Page 10 - MIN JUS

Fiscal a exigi 4 aña di prison pa cada un y pa destrui e droga. Hues no ta haya proba cu
tres di e grupo ta envolvi sino mas bien ta ilegal y a declara nan liber. Dos a worde
haya culpable y Hues a condena nan na 4 aña di prison.

BOTO CU DROGA Y ILEGAL:

E grupo di Venezolano: L.C., J.V., R.P., J..M. y A.M. a presenta dilanti Hues pa e caso
penal cu Ministerio Publico a cuminsa contra nan. Tur ta worde sospecha cu dia 15
November 2016, nan a importa 80 kilo di marihuana.

Durante tratamento di e caso, diferente di e sospechosonan a bisa Hues cu nan a
spanta ora Guarda Costa a cuminsa tira riba nan. For di e raport cu Hues a lesa, ningun
momento a scucha cu lo tabatin tiramento.

Hues a bisa cu Guarda Costa a mira un boto sospechoso riba radar. A bay di biaha
eynan y a mira cu tabata tira bultonan den laman. En total 80 kilo di marihuana a keda
confisca. Hues a puntra L.C. si e tabata envolvi. El a bisa cu e mester a trece droga
Aruba y un hende lo bin buske. Na Polis el a bisa cu el a worde acerca pa algun
Colombiano y nan a ofrece 200 dollar pa trece e droga. El a bisa cu door di situacion
dificil na Venezuela el a acepta. Hues a puntr’e si e cu ken mas sa den e boto di e
transporte di droga. El a bisa cu A.M. tambe tabata sa.

Segun L.C., no tabatin capitan ariba e boto pero e tabata esun responsabel pa e
transporte. El a bisa cu e otro tres personanan no tabata sa di e droga. Nan tabata
ilegal cu kier a bin Aruba. Nan a paga pa e transporte na e doño di e boto. Segun L.C.
el a haya 200 dollar pa reparti cu A.M.

Un ta culpa e otro: A.M. na su turno, a bisa Hues cu L.C. ta gaña. Segun A.M., ta L.C.
ta e capitan. El a splica Hues cu e conoce L.C. hopi bon. A.M. a bisa Hues cu door cu su
señora tabata malo y a opera, el a pidi L.C. pa yud’e. L.C. a ofrece pa transporte pa
Aruba hunto cu e ilegalnan pa e bin cumpra remedi pa su señora. Segun A.M., L.C. a
dun’e 100 dollar pa bin cun’e hunto cu e ilegalnan. Na dado momento Guarda Costa a
sorprende nan. A.M. a bisa cu ta L.C. a busca e droga. El a bisa Hues cu L.C. a papia
cun’e di transporta ilegalnan. El a bisa cu L.C. a bisa nan pa tira e droganan den laman.
El a splica cu e bultonan di droga tabatin un saco cu santo pa mantene nan abou den
laman.