Page 11 - MIN JUS
P. 11
Guarda Costa a tira: Nan a bisa cu Guarda Costa a tira riba nan y nan a spanta. Esnan
ilegal a bisa cu nan no tabata sa cu tabatin droga abordo. Nan a splica cu e droga
tabata tapa bou di lona patras di barinan di gasoline. Nan a bisa cu tanto A.M. como
L.C. tabata maneha e boto. E ilegalnan a splica cu e situacion hopi dificil cu nan ta
pasando na Venezuela, a pone cu nan a dicidi bin Aruba pa busca cualkier trabao. Nan
ta arepenti di loke nan a haci. Nan a kere cu nan lo por a bin traha y gana placa pa
mantene nan famia.
EXIGENCIA DI FISCAL:
Fiscal ta haya legalmente proba cu a transporta 80 kilo di marihuana. El a bisa cu ta
fastioso cu tur ta declara otro. Na opinion di Fiscal, ta un hecho cu den un boto chikito
nan cinco tabata cu 80 kilo di marihuana. Ora Guarda Costa a intercepta e boto, nan
tabata tira bultonan for di e boto. Fiscal a bisa Hues cu e ta tene cuenta cu ta hopi
droga nan tabata transporta. Fiscal ta kere cu e droga aki lo tabata destina pa otro
mercado y no Aruba so.
Fiscal tambe a tene cuenta cu e circumstancia personal di e cinco sospechosonan pero
tambe a tene cuenta cu e seriedad di e caso.
Exigi castigo: Pa cu e castigo, Fiscal a bisa cu e ta tene cuenta cu maneho di Ministerio
Publico pa cu e cantidad di droga y a exigi 4 aña di prison pa cada un y pa destrui e
droga. E boto lo keda confisca.
DEFENSA DI ABOGADO:
Abogado mr. Bryson a mustra cu e ilegalnan no tabata sa nada di droga. Esun
responsabel tambe a bisa cu e tres ilegalnan no sa di nada. Den e boto tabatin barinan
di gasoline cu a trece di contrabando. Tras di esakinan tabatin e droga scondi. E
abogado a bisa Hues cu e no ta haya cu nan ta culpable di a transporta droga. E ta
haya e castigo exigi pa Fiscal desmasiado halto. El a mustra cu ta L.C. ta e capitan di e
boto y A.M. a yuda como tripulante den stuur e boto. A.M. tampoco no tabata sa di e
droga.
Mr. Hart a mustra cu el a splica L.C. riba e consecuencianan di e caso. E ta referi na
decision di Hues. El a mustra si riba e hecho cu L.C. tin un herida habri na su bariga y
