Page 104 - MIN JUS

David Kock: Ex empleado di Setar supuestamente envolvi
den caso di Panama Papers kier, su trabao bek

Tuesday, 16 May 2017 21:50
Comparti

David Kock, abogado, ta pendiente pa un caso den corte. Ta trata aki di un ex trahado di Setar,
kende ta sospechoso den e caso di Panama Papers.

E caso aki a capta masha atencion internacional algun luna pasa. Naturalmente esey tabata e
caso di Setar, cu ta purbando bek pa haya bek supuestamente placanan cu a perde door di
cierto actonan cu e persona aki y/of otro mas, den colaboracion, lo a comete. E cliente riba su
mes, tabata keto, no a bin duna ningun reaccion, pero e caso ey tambe ta un caso cu Setar a
kies pa sigui’e na Merca y esey ta un caso cu ta coriendo na Merca. E tin su abogadonan na
Merca cu ta defendiendo e den e caso aki.

Los di esey, e tabata un empleado pa hopi aña na Setar y el a wordo retira y na su opinion e
retiro aki no tabata tin base. Naturalmente tur hende ta cay ariba tur loke a sali den prensa
den pasado. Tin cu corda cu hopi biaha cu un moneda tin dos banda. Su posicion ta cu e no a
comete algun iregularidad. Cu esey lo mester bay wordo proba. Como trahado, e caso aki ta un
caso cu ta core aki na Aruba. Ta aki na Aruba e mester entam’e contra Setar y ta un caso cu a
start. Setar, despues di bay contesta por escrito, hues lo bay pone un fecha pa e tratamento di
e caso.

El a acepta su retiro?
Un trahado no mester acepta su retiro. Si e acepta su retiro, ainda asina e por demanda pa
daño y perhuicio. Pero ta un choice cu tur trahado tin, ora cu nan wordo retira. El a kies pa pidi
pa anula e retiro.

Diferencia di opinion

Segun abogado Kock, den detaye, na e momento aki ainda no ta momento pa bay discuti riba e
caso, mirando cu e ta coriendo. Pero si a papia cun’e na cuminsamento. Pero Setar tabata tin
su pensamento caba den ki direccion nan kier bay y su input no lo a cambia esey mucho.

E kier bin bek

E trahado ta pidiendo su trabao bek, segun abogado Kock. E ta un derecho cu tur trahado tin.